Torshov er eit sokn og strøk nord for Grünerløkka med namn etter Torshov gard.
Torshov | |||
stad | |||
Luftfoto av Torshov, Sandaker og Grefsen i 2018. | |||
Land | Noreg | ||
---|---|---|---|
Torshov 59°56′01″N 10°45′51″E / 59.933730555556°N 10.764219444444°E | |||
Wiki Commons: Torshov | |||
Namnet «Torshov» er sett saman av det norrøne gudenamnet Þórr (Tor) og hov («heidensk gudshus» eller «høgd»). Det er dokumentert som i-stad i 1370 («i þossofuue»), men er i dag på-stad. Uhistoriske skrivemåtar som Thorshoug og Torshaug kjem av at etterfestet -hov i uttala har falle saman med haug.
Torshov har industriområde langs Akerselva og høyrer saman med industriutbygginga av Sagene. Lengjer aust fanst tidlegare løkker og småhus, ein forstadsbusetnad innlemma i byen 1878. Kommunen kjøpte 270 daa (270 000 m²) i 1916, og det blei oppført bustadskompleks i tida 1917–1925. Det ligg ein leigegardsbusetnad frå slutten av 1800-talet i vest. I sør og aust ligg bustadsblokker og høghus oppførte i seinare år på tomtene etter småhusbusetnaden frå 1800-talet.
Vogts gate fungerer som hovudgata til strøket. Gata er trafikkert av trikkar mellom sentrum og Kjelsås. Langs Vogts gate ligg fleire kaffibarar, restaurantar og kafear.
Parkar i strøket er Torshovparken, Torshovdalen, Torshov kirkepark og Haarklous plass.
Torshov offentlege skule blei oppført i 1878. Torshov blei skilt ut frå Sagene som eiga forsamling i 1930. Torshov kyrkje blei innvigd i 1958. Torshovstrøket er skildra i Oskar Braaten sine forteljingar og skodespel.
This article uses material from the Wikipedia Nynorsk article Torshov, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.