Torbjörn Anders Nilsson (fødd 9.
juli">9. juli 1954) er ein svensk tidlegare fotballspelar frå Hallstahammar og Partille. Han var midtspiss og den mest briljante spelaren på IFK Göteborg-laget som i fyrste halvparten av 1980-åra dominerte i svensk fotball. I 1982 vann han og laget UEFA-cupen. Nilsson er IFK Göteborgs flittigaste målskårar gjennom tidene med samanlagt 332 mål.
Torbjörn Nilsson | |
Statsborgarskap | Sverige |
Fødd | 9. juli 1954 (69 år) Västerås |
Idrett | fotball |
Tok del i | |
Utmerkingar | Lisebergsapplåden, Årets ärkeängel, Kristallkulan, Kristallkulan, Guldbollen |
Nilsson var Jonsered-spelar til 1974. Sesongane 1975 og 1976 spelte han på IFK Göteborg, var med om å rykke opp til allsvenskan. Vårsesongen 1977 mislukkast han i PSV Eindhoven og flytta difor tilbake til IFK Göteborg. Der blomstra han til att. I 1979 vart laget svensk cupmeister etter finalesiffera 6 mot 1.
Året 1982 gjekk Göteborg-mannskapet frå den eine triumfen etter den andre. I mai vann laget UEFA-cupfinalen med samanlagt 4-3 over Hamburger SV, der Nilsson skåra eitt av måla på bortebane. I juni vart det siger 3-2 over Öster i den nasjonale cupfinalen. Sesongen vart krynt med seriegull i allsvenskan. Nilsson vart kåra til årets fotballspelar 1982 i Sverige.
Hausten 1982 vart Nilsson overført til FC Kaiserslautern hausten 1982 og gjorde teneste for klubben i bundesligaen fram til sesongslutt våren 1984. Han vende då tilbake til IFK Göteborg og kunne om hausten ta del i feiringa av nok ein triumf i allsvenskan.
2. april 1986 slo IFK Göteborg det spanske topplaget FC Barcelona med 3-0 i semifinalen i europacupen, Nilsson skåra dei to fyrste måla. I returoppgjeret heime på Camp Nou vann Barcelona 3-0, IFK Göteborg tapte til sist 4-5 etter straffeskyting.
Etter eit friår, spelte Nilsson på Jonsered IF åra 1988-90.
Nilsson debuterte for Sverige 11. august 1976 og skåra det femte målet då Finland vart slått 6-0 i Malmö. Seks veker seinare måtte han tole tap 2-3 mot Noreg på Ullevål stadion, Pål Jacobsen vart norsk matchvinnar med ei skåring få minutt før slutt. Under VM i fotball 1978 spelte Nilsson ein kamp. Mot Noreg revansjerte Nilsson med to skåringar då Sverige vann 4-2 i ein innandørskamp i Lahti 28. februar 1981.
Frå hausten 1981 avstod Nilsson frå landskampar då han ikkje var tilfreds med spelestilen til landslagssjefen. Han kom tilbake i november 1984 og spelte 7 landskampar fram til 16. oktober 1985. Gjennom i alt 28 landskampar teikna han seg for 9 mål.
This article uses material from the Wikipedia Nynorsk article Torbjörn Nilsson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.