Olimpiada Ivanova

august">26. august 1970) er ein russisk tidlegare friidrettsutøvar frå Munjaty i Tsjuvasjia som både i 2001 og 2005 vart verdsmeister i 20 km kappgang og i 2002 europameister på same distansen.

Ivanova gjekk inn til sølvmedalje under verdsmeisterskapen 1997, før ein positiv dopingtest førte til at ho måtte levere tilbake medaljen. Ho vart der etter stengd ute i to år.

Både under VM i friidrett 2001 i Edmonton og EM i friidrett 2002 i München vann Ivanova kappgang-øvinga på suverent vis. Under sommarleikane 2004 i Aten tok ho sølvmedaljen, fire sekundar bakom greske Athanasia Tsoumeleka og ni sekundar framom Jane Saville frå Australia. Året etter gjekk Ivanova i mål til verdsbestetida 1.25.41 i verdsmeisterskapen 2005 i Helsinki, attåt gullmedaljen fekk ho 100 000 [[US-dollar]9 i premiepengar.

Doping

Ivanova var utestengd frå friidretten i to år frå august 1997 etter å ha testa positivt under verdsmeisterskapen i Aten.

Medaljar og plasseringar i internasjonale meisterskap

• VM 1997 i Aten: Diskvalifisert på 10 km
• VM 2001 i Edmonton: Gullmedalje på 20 km – 1.27.48, framom Valentina Tsibulskaja (1.28.49)
• EM 2002 i München: Gullmedalje på 20 km – 1.26.42, framom Jelena Nikolajeva (1.28.20)
• VM 2003 i Paris: Braut 20 km
• OL 2004 i Aten: Sølvmedalje på 20 km – 1.29.16, bakom Athanasia Tsoumeleka (1.29.12)
• VM 2005 i Helsinki: Gullmedalje på 20 km – 1.25.41, framom Ryta Turava (1.27.05)
• VM 2007 i Osaka: Braut 20 km