Natalja Nikolajevna Antjukh (fødd 26.
juni">26. juni 1981) er ein russisk friidrettsutøvar frå St. Petersburg som vart europameister på 400 meter hekk i 2010 og olympisk meister i same øvinga under Sommar-OL 2012. I 2005 vann ho VM-gull i 4x400 meter stafett for Russland.
Natalja Antjukh | |
Statsborgarskap | Russland |
Fødd | 26. juni 1981 (42 år) St. Petersburg |
Yrke | sprintar, friidrettsutøvar, hekkeløpar |
Språk | russisk |
Høgd | 181 centimeter |
Natalja Antjukh på Commons |
Antjukh fekk si fyrste internasjonale medalje i eit utandørsmeisterskap då ho sprang fyrste etappen for Russlands sølvlag på 4x400 m stafett ved EM i friidrett 2002 i München. To år seinare fekk ho bronsemedaljen på 400 meter under Sommar-OL 2004 i Aten, og sprang Russland sitt lag på 4x400 m stafett inn til sølv, vel sekundet bakom USA.
I Helsingfors i 2005 vann Antjukh VM-gull på 4x400 m stafett saman med Julija Petsjonkina, Olesja Krasnomovets og Svetlana Pospelova. Fire år seinare deltok Antjukh på ny for Russland på 4x400 m stafett under eit VM i friidrett, i 2009 i Berlin vart det bronse på Antjukh og lagvenninnene.
Deretter satsa Antjukh på langhekken. Ved EM i friidrett 2010 i Barcelona sette ho meisterskaprekord med 52,92 sekundar på 400 meter hekk og vart europameister, heile 0,9 sekund føre Vanja Stambolova frå Bulgaria. Året etter vann ho bronse både på 400 m hekk og i 4x400 m stafett med Russland.
Under dei olympiske sommarleikane 2012 i London vann Antjukh gullmedaljen etter eit drabeleg opgjer med Lashinda Demus frå USA. I mål skilde det sju hundredels sekund mellom dei to utøvarane; 52,70 mot 52,77. På ankeretappen i 4x400 m stafett sprang Antjukh Russland inn til OL-sølv. Også under VM i friidrett 2013 deltok ho for Russland i 4x400 m stafett, men berre i kvalifiserinsgløpet til finalen.
This article uses material from the Wikipedia Nynorsk article Natalja Antjukh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.