Forteljing
Forteljing er noko som blir fortald, og er gjerne eit litterært arbeid som formidler hendingar.
Forteljing er ein måte å formidla ein del av verda på, som regel ved hjelp av ord. Ei forteljing kan framstillast som sann eller oppfunnen, og kan forteljast med mange ulike føremål, til dømes underhalding, opplæring eller sosialisering. Forteljingar kan delast munnleg, gjennom skrift, bilde eller andre media, som film eller radio.
Det finst ei rekkje ulike sjangrar av forteljing som kan ha eigne krav til utforming og innhald. Eit eventyr bør til dømes ha faste eventyrformuleringar, medan ein anekdote bør ha eit godt poeng.
Ei forteljing kan ha funksjon innan eit større verk, til dømes som rammeforteljing rundt ei anna forteljing. Ei forteljing som blir fortald ei fleire fråskilde delar blir kalla framhaldsforteljing eller føljetong.
Ein kan klassifisera forteljingar etter innhald, som bondeforteljing, detektivforteljing, indianarforteljing eller sjøforteljing.
Sjå òg
Kjelder
This article uses material from the Wikipedia Nynorsk article Forteljing, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.