Financial Times

Ho inneheld òg mykje generelt politisk stoff, og blir rekna som ei leiande kvalitetsavis. Sjefredaktør er Roula Khalaf (sidan januar 2020).

Financial Times
Land	Storbritannia
Type	Dagsavis
Innhald	Finans
Grunnlagd	9. Januar 1888'"`uniq--ref-00000001-qinu`"'
Eigarar	Nikkei Inc.
Språk	Engelsk
Politisk posisjon	Sentrisme
Opplag	111 898 (september 2021)
Hovudkvarter	Bracken House
ISSN	0307-1766, 1476-8844
Nettstad	https://www.ft.com (engelsk), https://www.ftchinese.com/ (kinesisk)

Avisa blei grunnlagd under namnet London Financial Guide i januar 1888 av Horatio Bottomley. I februar same året fekk ho namnet Financial Times. I 1893 tok avisa i bruk lakserosa papir (som også Dagens Næringsliv brukar i Noreg), noko som skilde henne klart ut frå andre aviser, særleg den noko eldre konkurrenten Financial News. Dei to avisene blei slått saman i 1945. I 1957 blei avisa kjøpt opp av Pearson Publishing Group.

23. juli 2015 gjekk Nikkei Inc. med på å kjøpåvisa for 844 millionar pund, og kjøpet blei endeleg den 30. november 2015.

Det er blitt trykt ei eiga utgåve for europeiske og nordamerikanske lesarar i Frankfurt am Main sidan 1979. Avisa har eit opplag på over 440 000 eksemplar. Rundt ein firedel av det blir seld i Storbritannia.

I tillegg til den engelskspråklege avisa blei det frå 2000 til 2012 gjeve ut ei tyskspråkleg utgåve, Financial Times Deutschland, med eit opplag på noko over 100 000. Den 23. november 2012 gjorde styret i forlaget Gruner+Jahr som utgjevar av den tyske utgåva det kjend at den tyske utgåva skulle innstillast av økonomiske årsaker. Den siste utgåva kom ut den 7. desember 2012. Avisa hadde då produsert eit kumulert tap på 250 millionar euro.

• Offisiell nettstad