Cirencester
Cirencester er ein by i Gloucestershire i England, 150 km nordvest frå London.
Han ligg ved elva Churn, ei sideelv til Themsen, og er den største byen i Cotswolds. I Cirencester ligg det kjente Royal Agricultural College, den eldste høgskulen for landbruk i den engelskspråklege verda. I romersk tid heitte Cirenchester Corinium og var andre største byen etter Londinium, dagens London. eit museum med ei stor samling, Corinium Museum, dokumenterer denne tida.
| Cirencester | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia | |
| Konstituerande land |  England | |
| Grevskap | Gloucestershire | |
| Distrikt | Cotswold | |
| Geografi | ||
| Innbyggjarar - By (2001) | 19 000 | |
| Koordinatar | 51°43′N 1°58′W / 51.717°N 1.967°W | |
| Diverse annan informasjon | ||
| Postnummer | GL7 | |
| Telefon-retningsnummer | 0 1285 | |
Historie
Den lokale keltiske stamma Dobunni var namngjevar for den romerske borgen Corinium Dobunnorum som vart etablert rundt 50 e.Kr. Når grensa for det romerske Britannia vart flytta nordover vart det til ein romersk civitas. Tre viktige romerske vegar møttest i Cirencester, mellom anna Fosse Way frå Lindum (Lincoln) til Aquae Sulis (Bath). Rundt slutten av 200-talet fekk Cirencester ein bymur som omslutta cirka éin km², noko som gjorde han til den nest største byen i den romerske provinsen på den tida. I 312 vart han hovudstad for provinsen Britannia Prima. Byen hadde eit forum, ein basilika og eit amfiteater, sistnemnde ligg i dag i utkanten av byen og har vore gjenstand for utgravingar på 1800-talet og 1960-talet.
Etter romersk tid har byen framleis hatt ein viss betydning. Eit slag mellom regionale kongar fann stad her i 628. I mellomalderen var striden mellom byborgarane og klosteret om den lokale makta viktig. Sidan 1100-talet ville borgarane at Cirencester vart ein borough med lokal administrasjonsrett og plass i parlamentet, mens abbeden hadde Lord of the Manor-tittelen frå kongen. Etter 1538 gjekk rettane over til ein lokal adelsmann utan at kravet til borgarane vart innfridd.
Ull, veving og handel med ullstoff har, truleg sidan romersk tid, vore kjelda til velstanden i byen.
Bakgrunnsstoff
- Byadministrasjonens heimeside
- Corinium Museum Arkivert 2010-12-08 ved Wayback Machine. heimeside
- Side om Cirencester amfiteater
This article uses material from the Wikipedia Nynorsk article Cirencester, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.