Banjo-Kazooie: Dataspel frå 1998
Banjo-Kazooie er eit plattformspel utvikla av Rare og opphavleg utgjeve av Nintendo til Nintendo 64 i 1998.
Det er det første spelet i Banjo-Kazooie-serien og handlar om bjørnen Banjo og fuglen Kazooie, som prøver å hindre heksa Gruntilda i å stele fagerdommen til systera til Banjo, Tooty. Spelet inneheld ni ikkje-lineære nivå, der spelaren må bruke dei mange ferdigheitene til Banjo og Kazooie for å samle inn puslebrikker. Det har utfordringar som gåteløysing, navigasjon gjennom hinderløyper, innsamling av ulike emne og kamp mot fiendar.
| Banjo-Kazooie | |||
 | |||
| Utviklar(ar) | Rare | ||
|---|---|---|---|
| Utgjevar(ar) | Nintendo Microsoft Game Studios | ||
| Design(ar) | Gregg Mayles | ||
| Komponist(ar) | Grant Kirkhope | ||
| Serie | Banjo-Kazooie | ||
| Plattform(er) | Nintendo 64, Xbox 360 | ||
| Utgjeving | Nintendo 64 NA: 29. juni 1998 EU: 17. juli 1998 Xbox 360 3. desember 2008 | ||
| Sjanger | Plattform, action-eventyr | ||
| Spelemodus | Einspelar | ||
| Aldersgrense | PEGI 3 | ||
| Nettstad | http://banjokazooie.com/ | ||
| Del av serien Banjo-Kazooie⠀ | |||
| Banjo-Tooie→ | |||
Spelet var opphavleg tenkt som eit eventyrspel under namnet Dream til Super Nintendo Entertainment System, men designen vart endra mykje i løpet av utviklingsfasen, særleg etter at Super Mario 64 vart lansert og inspirerte utviklarane. Musikken i spelet er komponert av Grant Kirkhope, og er designa slik at han tonar frå ein stil til ein annan utan pause, medan den overordna musikken speler kontinuerleg. Spelet var ein kritisk og kommersiell suksess, og selde over tre millionar kopiar. Det fekk positiv mottaking for grafikken, musikken, lydeffektane og den interaktive nivådesignen. Spelet vart fornya og utgjeve til Xbox 360 i 2008 og inkludert i samlepakken Rare Replay til Xbox One i 2015.
Ein oppfølgjar, Banjo-Tooie, vart utgjeven i 2000.
Referansar
This article uses material from the Wikipedia Nynorsk article Banjo-Kazooie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.