Lewuö
Sura ba da'a wurugö nösi zura
| Lewuö (Bambu) | |
|---|---|
 | |
| Lewuö Soya ba gatua ma Hutan bambu ba Kyoto, Jepang | |
| Klasifikasi ilmiah | |
| Kingdom: | Plantae |
| (unranked): | Angiospermae |
| (unranked): | Monokotil |
| (unranked): | Commelinids |
| Order: | Poales |
| Famili: | Poaceae |
| Subfamili: | Bambusoideae |
| Tribus | |
| |
| Diversitas | |
| >1,462 (spesies diidentifikasi) spesies dalam 115 genera | |
| Sinonim | |
| |
Lewuö, ma ba li Indonesia ya'ia da'ö; Bambu, buluh, mazui aur sinumbua so bowo, sauri ba ndröfi moroi ba gangolifa subfamili Bambusoideae sifarahu ba famili Poaceae. Ba Danö Niha, lewuö andre oya auri ba mbolo mbenua. Lewuö oya ngawalönia ba Danö Niha, so lewuö sauri sibai ya'ia da'ö lewuö nibe töi; ta'uli. Ta'uli andre, da'ö zasese lahalö howunia(rebung) labali'ö bulugeu. Baero da'uli, so hao, fondrege zesolo ba ngawawa lewuö. Hao andre, asese da'a nibali'ö asoa, fana lewuö ba tanöbö'önia. Ngawalö tanöbö'ö moroi ba lewuö andre, so lewuö mbanua, sasese labali'ö Surune, agaröu ngandroto, ba lewuö tanöbö'önia nasa si tesöndra ba Danö Niha. Lewuö andre, ba no so wamalala wogaoni ya'ia simane; preng ma pring ba bahasa Jawa, awi ma tamiang ba bahasa Sunda, tabatiko ba bahasa Ternate, faoma ute ba bahasa Ambon. Ba gulidanö andre tou, lewuö andre sambua zinumbua salio sibai auri ba alio mongafu. Börö me so khönia nifotöi rhizoma-dependen si unik, ba zima'ö-ma'ökhö lewuö tola tedou wa'anaunia ba zi 60 cm (24 Inchi) tola töra, molo'ö hewisa danö situmbu ya'ia faoma klimatologi nahiania latanö.
Fangoguna'ö (Penggunaan)
Lewuö andre, ba Danö Niha, no sambua zinumbua soguna ba wa'auri niha. Lewuö oi moguna ba niha, simane labali'ö hele-hele, labali'ö dasa nose, labali'ö folufu, birae, öli, kandra, daga, ba tanöbönia nasa. Hiza so göi zo baliö sagö nose, la sila lewuö andrö ba la farigawa, lafalögu, irege lö böla na moteu. No oya sibai lala wangoguna'ö lewuö andre, ba Danö Niha. So lewuö side-ide, ma sasese laŵa'ö ia; lewuö sina, hiza lewuö andre, alio sibai auri, ba na no mongafu ia, tola tobali naha wolokhoi nukha detenia si no la falo'o, ba no oya zi no lahaogö sitobali fakake ba nomo, simane ngawalö gurusi, meza, ba tanöbö'önia. Ba Danö Niha, lewuö andre, tola möi fangöna simane toho, tola ba wangahandro ngawalö gutu ndru'u sedöna mameta'u niha.
Soguna ba wakake ba gangoroa li ma Instrumen musik
Ba Indonesia, lewuö andre no labali'ö ia arongoa li mbanua ma alat musik tradisional simane Angklung faoma Surune si'oroi ba Danö Niha, ba Sunda, faoma ba mbanua tanöbö'ö misa.
Lewuö tobali fangöna
Lewuö andre, no oi la'ila niha si so ba Indonesia, wa no sambua zinumbua sanolo ba wanuwö sanuwö simane lahaogö doho moroi ba lewuö ma si no la'ila ba li Indonesia lamane; bambu runcing, da'a wakake ni'oguna'ö ndra satuada meföna ba wolaŵa niha sanuwö Nifo he göi niha Belanda. Iada'a lewuö andre, no sambua nifila niha ba Danö Niha ba wameta'u utu ndru'u ba gatua, ba simanö göi ba dögi wama'u'u sökha, la'oguna'ö lewuö andre.
Umbu
This article uses material from the Wikipedia Li Niha article Lewuö, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.