Dagiti kawayan ket dagiti kankanayon a berde a perenial nga agsabsabong a mula iti subpamilia ti Bambusoideae iti pamilia ti ruot iti Poaceae.
Kawayan | |
---|---|
Bakir ti kawayan idiay Huangshan,Tsina | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Monocots |
Klado: | Commelinids |
Urnos: | Poales |
Pamilia: | Poaceae |
Klado: | Klado ti BOP |
Subpamilia: | Bambusoideae |
Dagiti tribu | |
Dibersidad | |
>1,462 (nga ammo a sebbangan) a sebbangan kadagiti 115 a henero | |
Kapada a nagan | |
|
Iti kawayan, kas dagiti sabali a ruot, dagiti internodal a rehion ti ungkay ket kadawyan a kalawakaw ken dagiti baskular a reppet iti pagpuniponan ket naiwarwara iti amin a paset ti ungkay imbes nga iti silindriko a pannakaurnos. Awan pay ti dicotyledon a natarikayo a xylem. Ti kaawan ti sekondario a tubo ti kayo ket mangpataud kadagiti ungkay dagiti monocot, a mairaman dagiti palma ken dagiti dakkel a kawayan, nga agbatong imbes nga umakikid.
Dagiti kawayan ket mangiraman kadagiti sumagmamano a kapardasan nga agtubo a mulmula iti lubong, gapu iti naisangayan a sistema iti agdepdepende iti risoma. Dagiti dadduma a sebbangan ti kawayan ket mabalin nga agtubo iti 91 cm (36 in) iti kaunegan ti paset ti 24 nga oras, iti maysa a gatad iti ganggani a 4 cm (1.6 in) iti maysa nga oras (iti maysa a pangtubo iti agarup a 1 mm iti tunggal maysa a 90 a segundo, wenno 1 pulgada iti tunggal maysa a 40 a minuto). Dagiti higante a kawayan ket dagiti kadakkelan a kameng iti pamilia ti ruot.
Dagiti kawayan ket nangrunada iti ekonomia ken kultura iti Abagatan nga Asia, Abagatan a daya nga Asia ken Daya nga Asia, gapu ta naus-usar dagitoy a kas materiales iti panagpatakder, kas taudan ti makan, ken kas maysa a bersatilo a produkto. Ti kawayan ket addaan iti nagatngato a espesipiko a kompresibo a kapigsa ngem ti kayo, ladrilio wenno kongkreto, ken ti maysa nga espesipiko a tension a kapigsa a mangkaribal iti asero.
Dagiti midia a mainaig iti Kawayan iti Wiki Commons
Dagiti datos a mainaig iti Bambusoideae iti Wikispecies
Chisholm, Hugh, ed. (1911). "Kawayan". Encyclopædia Britannica (iti Ingles) (Maika-11 nga ed.). Cambridge University Press.
This article uses material from the Wikipedia Ilokano article Kawayan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.