Hele, (Li Indonesia pancuran) idanö sangele si lö aedu'aedu moroi yaŵa ba nulu, si to'ölönia ba Danö Niha hele andrö lahaogö ia moroi ba gelea ma umbu nidanö sangele moroi yaŵa ba hili.
Fangehaogö hele ya'ia da'ö; la ba'a ma'ifu gelea moroi ba lulu ena'ö faonö ma'ifu, awena ba da'ö la'oroö mbalö lewuö sino laheta mbu'u, awena lafatohu misitou irugi nahia sahatö ba ngai nomo ma molo'ö wetaro ni honogöi zangotomosi ya'ia. Fa'alawa handoma hele si to'ölönia lahaogö töra sandrohu niha, ohitö dödö enaö ohahau dödö zimondri ma sangai idanö ba nasoa (Li Indonesia tempat air dari batang bambu). Baero hele so göi Ba'a nidanö ya'ia da'ö elea ma umbu nidanö niba'a enaö faonö tola musou soguna ba wanasa , femindri, ba bawangai idanö wamo'ösi nasoa ma serege nidanö. so göi mba'a moroi ba tanö nikhao fa ebua mato dua mete öfa sagi (2 meter persegi) si tesöndra idanö narö danö (Li Indonesia sumur gali) fagölö gunara hele naha ba wangai idanö, Hele ma Ba'a, i'otarai föna irugi ia da'a la oguna'ö nasa ba danö Niha, heŵa'ae iya da'a börö wa amonönö wa'atua tua niha na lahaogö hele tenga sa'e moroi ba lewuö, ba hiza'i lahaogö moroi ba pipa besi ma moroi ba PVC, ba so göi mba'a ni khao sabakha mazui ni bor.
This article uses material from the Wikipedia Li Niha article Hele, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.