Kalkutta, offitschell Kolkata (bengaalsch কলকাতা Kalkātā, bet 2001 engelsch Calcutta) es de Höövdstad un gröttste Stad in’n indschen Bundsstaat Westbengalen.
Se was bet 1910 ook Höövdstad van’r Kolonie Britsch-Indien. Kalkutta liggt an’n Oostöver van den Stroom Hugli un bi 80 km van’r Grense na Bangladesch af. De Stad es dat wichtigste Finans- un Handelszentrum för den Oosten un Noordoosten van Indien. Kalkutta het œverslaan bi 4.5 million Inwòners un es de Middelpunkt för de Metropoolregioon Kalkutta, in de œver 15 Millionen Minschen lèvet.
Wapen/Flagg | Koort |
---|---|
Koort | |
Basisdaten | |
Inheemsch Naam: | bengaalsch কলকাতা Kalkātā |
Sitt: | Kalkutta |
Staat: Indien | |
Flach: | 206,08 km² |
Inwahners: | 4.486.679 ( | 2011)
Inwahnerdicht: | 21.771,5 Inwahners pro km² |
Hööchd: | 9 m över de See |
Postleettall: | 700001 – 700141 |
Vörwahl: | 33 |
Geograafsche Laag: | 22° 34′ N, 88° 22′ O |
Grenzen bi OSM: | 9381363 |
Börgermeester: | Firhad Hakim |
Websteed: | http://www.kmcgov.in/ |
Os de Britische Ostindien-Kompanie 1690 ene Handelslizenz kreeg, maken de Briten Kalkutta bilüttken to den Middelpunkt van Britsch-Indien. Kalkutta was na London de tweedgröttste Stad in’n britschen Weltirek un was dat Zentrum för Bürokratie, Politik, Kultuur, Kunst un Universitäten. Vandage es Kalkutta wichtige Industriestadt, Verkehrsknütt un Kultuurzentrum med Universitäten, Hoogscholen, Theatern, Kinos, Museums un Galerien un geld för de indsche Kultuurhöövdstad. Kalkutta es de tweedgröttste bengaalsch-sprakige Stad weltwied un het de höögste Taal Nobelpriesdrègers mang ollen indschen Städen.
This article uses material from the Wikipedia Plattdüütsch article Kalkutta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.