De Weevspinnen (Araneae) sünd mank de Spinnen (Arachnida) de bekannteste Ornen.
De Arachnida höört to de Klass vun de Liddfööt (Arthopoda) mit to. De Weevspinnen weert noch mol updeelt in Liddspinnen (Mesothelae), Vagelspinnendeerter (Mygalomorphae) un Echte Weevspinnen (Araneomorphae). Na de Mieten (Acari) sünd de Weevspinnen de Ornen mit de meisten Aarden mank de Spinnen. De World Spider Catalog tellt bi de Weevspinnen 114 Familien mit 3988 Geslechter un 46.055 Aarden (Stand: Juni 2016).
Weevspinnen | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Systematik | ||||||||||||||||||||
| ||||||||||||||||||||
Wetenschoplich Naam | ||||||||||||||||||||
Araneae | ||||||||||||||||||||
Clerck, 1757 |
Weevspinnen leevt meist as Rövers un griept un freet Liddfööt, sunnerlich Insekten, un suugt de ut. Dor bringt de Spinne en Verdauenssapp mit Enzyme to in de Büte in, nadem se de mit de Keevklauen dootmaakt hett. Allerhand Aarden boot en Nett un fangt dor ehre Büte mit. Man se nehrt sik ok noch anners, nich bloß dör Deerter, de se just dootmaakt hefft. Dat gifft dor Henwiese up, datt Weevspinnen oorntlich Pollen freten doot. De nehmt se mit ole Nettfadens up. De Weevspinnen ehre Weevsels verscheelt sik je na Geslecht un Aart. Faken sitt de Spinnen bi de Netten in Röhren un Trechters un versteekt sik dor. Man dat gifft ok allerhand Aarden, de stromert rum un fangt ehre Büte bi’t Lopen oder Jumpen un kriegt de denn unner.
Meist all Weevspinnen leevt an Land, man nich de Waterspinn (Argyroneta aquatica). Se is de eenzigste Aart mank de Spinnen, de in’t Water leevt. Man dat gifft en en Reeg vun Spinnen, de loopt un jaagt boven up dat Water. Weevspinnen gifft dat up de ganze Eer, man de meisten un gröttsten Aarden sünd in de heten Zonen tohuse.
In Middeleuropa gifft dat 43 Familien vun de Echten Weevspinnen un een Familie vun de Vagelspinnendeerter mit de dree Aarden vun de Tapezierspinnen (Atypidae).
Tahl Familien | Tahl Aarden | |
---|---|---|
Belgien | 38 | 701 |
Nedderlannen | 40 | 621 |
Düütschland | 38 | 1004 |
Swiez | 41 | 945 |
Öösterriek | 40 | 984 |
Tschechien | 38 | 841 |
Sweden | 38 | 906 |
Polen | 37 | 792 |
Middeleuropa alltohopen | 43 | 1313 |
Weltwiet | 112 | 43.678 |
This article uses material from the Wikipedia Plattdüütsch article Weevspinnen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.