Rusanda Panfili: Rumäänsch Vigelienspelerin
Rusanda Panfili (* 1988 in Chișinău) is en rumäänsch Vigelienspelerin.
Se hett hör Vigelienstudium an de George-Enescu-Musikschool in Bukarest in Rumänien anfungen un wunn mit 10 Johr all hör eersten internatschonalen Wettbewarf in Italien. Mit 11 Johr wurr se en van de jüngsten Studentinnen an de Universität för Musik un dorstellende Kunst in Wien un hett dor in November 2015 hör Afsluss mit Utteknung maakt. Wiedere internatschonale Priesen weern Rodolfo Lipizer, Fidelio, Louis Spohr as ok Stipendien as Herbert von Karajan un Yamaha International, de se as Schölerin van den berühmten Geiger un Perfesserr, Alexander Arenkow kreegen hett.
Panfili trett as Solistin ünner annern mit dat Jerusalem Symphony Orchestra, dat Staatliche Sinfonieorchester Mexiko un den moldauischen un rumäänschen Sinfonieorchestern up. Gemeensam mit Musiker un Dirigenten as Markus Schirmer, Aleksey Igudesman, Vadim Repin un Hans Zimmer is se all uptreeden.
Se is nich blots as klassische Musikerin, Geigerin un Bratschistin tätig, sonnern ok as Danzerin, Schauspelerin un Singerin. In dat Fröhjohr 2016 wurr se inladen, as Solistin bi de Hans-Zimmer-Live-Tournee mittowarken un speel över 30 Konzerte in Europa. 2018 weer se ok weer Solistin up de The World of Hans Zimmer-Tournee. Mit hör eegen Projekt Panfili & Friends speelt se klassische, tietgenössische Musik, eegen Kompositschonen un Arrangements. Hör Bühnenkleedasch gestalt se sülvst.
Weblinks
This article uses material from the Wikipedia Plattdüütsch article Rusanda Panfili, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.