Dat Du Mien Leevsten Büst
Dat du mien Leevsten büst is een plattdüütsch Volksleed, dat binnen un buten Plattdüütschland temlik bekannt is.
Dat Leed vertellt de Geschicht von een Deern, de sik nachtens in ehr Kamer mit een Jung drippt, ahn dat Vader un Moder dor wat von weet. Dat eerste Maal opschreven hett den Text Karl Müllenhoff 1845 in sien Sagen, Märchen und Lieder der Herzogthümer Schleswig, Holstein und Lauenburg. Wohrschienlich is de Text aver al noch öller. De Melodie kummt al 1778 in dat Lederbook Dor bin ick to Hus toeerst vör. De Noorddüütsch Rundfunk naamt dat een "plattdüütschen Klassiker".
Text
1. Dat du min Leevsten büst, dat du woll weeßt.
Kumm bi de Nacht, kumm bi de Nacht, segg wo du heeßt;
kumm bi de Nacht, kumm bi de Nacht, segg wo du heeßt.
2. Kumm du üm Middernacht, kumm du Klock een!
Vader slöpt, Moder slöpt, ick slap aleen;
Vader slöpt, Moder slöpt, ick slap aleen.
3. Klopp an de Kammerdör, fat an de Klink!
Vader meent, Moder meent, dat deit de Wind;
Vader meent, Moder meent, dat deit de Wind.
De meesten Bekanntmakens wiesen man disse dree Strophen op. Dat wat in de Nacht passeert warrt de Vörstellungskraft överlaten. Ok de beid bovendeem Strophen, för ’t eerst Maal bekanntmaakt 1925 in Hamburger Jugendlieder (2. Heft – Nestlieder) de van de holsteenschen Schriever Iven Kruse stammen sölen, setten erst an d' anner Mörgen an.
4. Kummt denn de Morgenstund, kreiht de ol Hahn.
Leevster min Leevster min, denn mößt du gahn!
Leevster min Leevster min, denn mößt du gahn!
5. Sachen den Gang henlank, lies mit de Klink!
Vader meent, Moder meent, dat deit de Wind;
Vader meent, Moder meent, dat deit de Wind.
Herkomen
De Schriever van den Texte is unbekennt. Publizeert worrn de Text för de eerst Maal 1845 van Karl Müllenhoff. Na den Forschungergebnissen van de Historisch-Kritisk Ledenlexikons (Liederlexikon) „hett dat Leed sien Oorsprung in de tweeden Halve de 18. Jahrhunnert in den al recht bekannten erotisch Gassenhauer Daß du mein Schätzgen bist“.
Weblenken
Bi’n Wikiborn gifft dat Originalschriften över dat Thema oder vun den Schriever: Dat du mien Leevsten büst. Nawiesen
This article uses material from the Wikipedia Plattdüütsch article Dat du mien Leevsten büst, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.