Lente of vöärjår is eyne van de veer seisunen.
Et sterrekündig bepålde begün van de lente is de lente-ekwinoks (rund 20 maert up et noordelik halvrund en rund 23 september op et südelik halvrund). De sünne geyt dan döär et lentepünte en den dag en den nacht binnen termed lyk allene in längte. De lente endigt mid de sumersünnewende (rund 21 juni yp et noordelik halvrund en 21 december up et südelik halvrund).
Üm praktiske readens, mar ouk üm readens dee mid et klimåt van doon hebbet, begünt de meteorologiske lente eyrder, up 1 maert up et noordelik halvrund en up 1 september op et südelik halvrund. Et duurt dan töt 1 juni en up et südelik halvrund töt 1 december.
Des Lentes gåt de planten (wear) gröien en blöien. Nå Ysheiligen is de kanse up vorst vry klein.
De roomsk-katolike traditys hebbet de vastenperiode, dee begünt up aswoonsdag en endigt mid Påsken. Vasten wörd vöärof-egåne döär de vastenåvend. Nöäst Påsken hebbet se in de kristelike tradity ouk de Gode Weake; dree dagen vöär et påskweakende, Witte Dunderdag, Gode Vrydag en Stille Såterdag.
In et hinduisme wörd so rund Påsken de Holi-Phagwa evyred.
De sekulire varsy van Påsken wörd ekenmarkt döär symbolen van ny leaven, so as (eklöörde/evarvde) eier. Ouk de Påskhase höyrt by dit feest.
Begün van de sterrekündige lente (up et noordelik halvrund) in de of eloupen- en de et kummend jår:
Jår | Dåtum | Tyd |
---|---|---|
2003 | 21 maert | 02:00 |
2004 | 20 maert | 07:49 |
2005 | 20 maert | 13:33 |
2006 | 20 maert | 19:26 |
2007 | 21 maert | 01:07 |
2008 | 20 maert | 06:48 |
2009 | 20 maert | 12:44 |
2010 | 20 maert | 18:32 |
2011 | 21 maert | 00:21 |
2012 | 20 maert | 06:14 |
2013 | 20 maert | 11:02 |
2014 | 20 maert | 17:57 |
2015 | 20 maert | 23:45 |
2016 | 20 maert | 05:30 |
2017 | 20 maert | 11:28 |
2018 | 20 maert | 17:15 |
2019 | 20 maert | 22:58 |
2020 | 20 maert | 04:49 |
De an egeyven tyd is de plaatselike neaderlandske tyd.
Up et südelik halvrund begünnet up disse dåtums de harvst.
Commons: Lente - plaatjes, filmkes en/of gelüüdsbestanden. |
Dit artikel is eskreaven in et sallandsk. |
This article uses material from the Wikipedia Nedersaksisch article Lente, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.