Jeruzalem (Hebreeuws: יְרוּשָׁלַיִם, Yerushaláyim; Arabisch: القُدس, al-Quds) is een stad in 't Midden-Oosten, de de-facto-heufdstad van Israël, al wördt der ok deur de staot Palestina anspraok op emeuken.
Israël hef der de belangriekste aoverheidsgebouwen staon. Jeruzalem lig op een heugte in 't Judeagebargte tussen de Middellaandse zee en de Dooie zee. 't Is ien van de oldste deurlopend bewoonde steden ter wereld, die teroggegiet op 't darde millennium veur Christus.
In de drei dikke Abrahamitische godsdiensten - jeudendom, christendom en islam - wördt Jeruzalem as een heilige stad eziene. In de Olde Stad, 't ummuurde harte van Jeruzalem, vien ie veule plekken die in dizze godsdiensten en heur geschiedenis een belangrieke rolle speult, zoas de Tempelbarg mit de klaagmure, de Rotskoepel, de Al-Aqsamoskee en de Heilig Grafkarke. Buten de Olde Stad is 't Goorngraf, waorvan sommige christenen mient det Jezus der is begraven en uut de dood opestaone.
Dit artikel is eschreven in 't Zuudwest-Drèents. |
This article uses material from the Wikipedia Nedersaksisch article Jeruzalem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.