Regio Zwolle

Dit samenwärkingsverbaand is een verbaand van ondernemmers, onderwies, maotskappelijke örganisaties, en oaverheden. De regio nuumt zich de '4e economische topregio van het land.'

Regio Zwolle is een economisch stärke regio. Tussen 1997 en 2017 is de COROP regio Noord-Oaveriessel (niet gehiel regio Zwolle) een belangrieke gruuimotor van de economie ewörden. Het BRP van de regio was in 2018 28,2 miljard euro, 3,6% procent van de totaole Nederlaandse economie wat vergeliekbaor is met de regio Arnem-Nijmegen. Het andiel is sunds 2012 toe enömmen. In 2018 waren er 375.000 arbeidsplaatsen, waorvan 98.170 in de gemiente Zwolle. Dit is estegen nao 410.000 in 2020. In januari 2020 woonden er 779.337 mèensen in de 22 gemientes. In januari 2002 waren dät er 714.866, en in 2010 744.437 (op het zölfde grondgebied als noe). 3,3% had in 2018 gien wärk. In t hiele laand was det toen 3,8%. Een jaor later in 2019 had 2,8% gien wärk. An t ende van 2020 bedreug dit 3,2%.

De regio bestiet uut de volgende 22 gemientes:

• Zwolle
• Kampen
• Elburg (sunds 2016)
• Oldebroek
• Hattem
• Nunspeet (sunds 2020)
• Heerde
• Olst-Wieje
• Raolte
• Dalsen
• Ommen
• 'n Ardenbärg
• De Wolden
• Hoogevene (sunds 2018)
• Meppelt
• Westerveld
• Stappest
• Stienwiekerlaand
• Zwärtewäterlaand
• Noordoostpolder
• Urk
• Dronten