Wodan
Wodan (Angelsaksisch, Grunnegs: Woden, Duuts: Wotan, Fries: Weda, Scandinaovisch: Odin) is ien van goden uut de olde Germaonse religie, het heidendom.
Wodan is de belaangriekste god uut het Germaonse godenriek. De middelste daag van de wieke, woonsdag (Wodansdag), is naor hum vernuumd.
Veul vierings in het Nedersaksisch gebied komt veurt uut de olde religie. Een veurbield daorvan is het ossehoornbloazen, de veurleuper van de mirrewinterhoorn. De ossehoorn wordt nog stieds in under aandere het Tweantse gebied gebruukt.
Wodan rid altied op zien aachtbienige schimmel (peerd) Sleipnir. Hie hef ook twei beudschappers bie zich, de raoven Hugin en Munin die naor de eerde afdaolt um te kieken wat zich bij de meinsen in de huzen afspeult.
Sunterklaos
Heugstwaorschienlijk is nao de karstening Sunterklaos in plaots kommen van Wodan umdat de meinsen maor meuilijk ofstaand kunden doen van de olde gebruken. Zo riedt ze beiden op een schimmel en hef Sunterklaos een staf en Wodan een spier in zien haand. Zo kwaam het ook dat nao de Nederlaanse Opstaand (Tachtigjaorige Oorlog) de kalvinistische predikaanten t Sunterklaosfeest wolden ofschaffen, omdat t te veul haaidense eleminten har.
Nedersaksisch
- Achterhooks: Wodan
- Graafschopper Platt: Wodden
- Grunnegs: Woden
- Tweants: Woden, Wodan
- Wieder: Wodan
Uutgaonde verwiezings
This article uses material from the Wikipedia Nedersaksisch article Wodan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.