Nunspeet
Nunspeet is n plaotse en n gemeente in de Nederlaandse provinsie Gelderlaand.
De gemeente had op 31 mei 2009 zwat 26.639 inwoeners (bron: CBS), en hef n laandoppervlakte van 129,49 km² (waorvan 0,76 km² waoter). t Darp Nunspeet zelf had op 1 jannewaori 2008 zo'n 19.439 inwoeners (bron: gemeente Nunspeet). In t natuurgebied he'j vanof de uutkiektoorne n prachtig uutzichte.
| Gemeynde Nunspeet | ||
 |  | |
| Vlagge van Nunspeet | Wapen van Nunspeet | |
 Lokaty van de gemeynde Nunspeet | ||
| Informaty | ||
| Provincy | Gelderlaand | |
| Höyvdplaatse | Nunspeet | |
| Geografy en bevolking | ||
| Uppervlakde - Land - Water | 129,49 km² 128,73 km² 0,76 km² | |
| Antal inwoaners Inwoaners per km² | 26.639 (2009) 206 inw./km² | |
| Koordinaten | , 5° 47′ O | |
| Oaverig | ||
| Belangryke weagen | A28, N310 | |
| Netnummer | 0341, 0577 | |
| Postkodes | 8070-72, 8075-77 | |
| Officiele websteade | ||
| www.nunspeet.nl | ||
Uutspraak
Kernen
Nunspeet, Elspeet, Hulshorst, Grote Klunje, Kleine Klunje, Zwarte Goor, Vierhouten, Oosteinde, Westeinde en Zeum.
Geschiedenisse
Eertieds dochten ze dat de naam Nunspeet van t woord Nuwenspete of kwam, mer daor bin ze noen niet helemaole wisse van. Nunspeet betekent volgens sommigen: "nieje plekke die klaoremaakt is um op te bouwen", t is daormee de tegenhanger van de ouwe naam veur t darp Elspeet, dat in de gemeente Nunspeet ligt. Elspeet betekent namelijk "ouwe plekke die klaoremaakt is um op te bouwen".
t Geheime Darp
In de bossen van Vierhouten, in t zujen van Nunspeet, he'j in de bos an de Pas-opweg t Geheime Darp (of t Verscholen Darp) zitten. n Onderdukersplekke uut de Tweede Wereldoorlog.
Heemkundige Vereniging Nuwenspete
De naam Nuwenspete (waorvan edocht wörden dat t de eerdere naam van t darp was) leeft voort in de plaotselijke verenige "Heemkundige Vereniging Nuwenspete". De doelstellingen van de Heemkundige Vereniging Nuwenspete bin as volgt:
t Bevorderen van kennis en belangstelling veur de verschillende kaanten van heemkunde en geschiedenisse: t hejen en vlejen van laandschap, bojem, plaanten, dieren, bevolking, taal, volkskunde, de kleraozie van vrogger, bouwkunst en de kultuur in t algemeen. Daorbie hef de verenigige as doel t instaandhouwen en bescharmen van de schoonheid en t karakter van de bovenstaonde dingen. Disse doelstellingen gelden veural veur t gebied van de Gemeente Nunspeet, dat bin de darpen Elspeet, Hulshorst, Nunspeet en Vierhouten.
Ze proberen dit doel ondermeer te bereiken deur:
- onderzeuk en studie van vraagstukken die mit de doelstelling van doon hebben;
- t uutbrengen van n tiedschrift en aandere eschreven informasie;
- t anlegen van verzamelingen;
- samen te warken mit soortgelieke organisasies;
- t oprichten of medeoprichten van rechtspersonen mit zo'n soort doelstelling;
- kontakt te legen mit offisiële instansies, besturende organisasies en aander volk;
- t volk informeren en advies geven;
- alle overige wettelijke middels
Rekreasie en toerisme
Een belangrieke bron van inkomsten veur Nunspeet is rekreasie en toerisme. De gemeente Nunspeet is n mooie plekke um vakansie te houwen, umda'j der bos, waoter, heed en zaandverstuvingen hebbmen. Der bin allerhaande kampings en der bin aorig wat hotelletjens.
Bie t stasjon he'j de Oudheidkamer van Nunspeet zitten, mit allerhaande spul van vrogger. In t darp zit t Veluws Diorama, n histories museum. Op 21 jannewaori 2009 sleug der braand uut.
De koornmeule De Duve ku'j oek bekieken.
Eibertjesdag
Eibertjesdag is n jaorlijks weerkerende braderie. Disse jaormark is ontstaon deur Eibertjen. Ze leefden umstreeks 1850 in Vierhouten. Ze leup elke weke naor Nunspeet um daor eiers te verkopen. Je kunnen disse weg nog altied volgen langes t zogenaamde Eibertjespad, deur de bossen tussen Vierhouten en Nunspeet. Eibertjesdag wörden ehuilen op de vriedag nao Hemelvaortsdag.
Buurgemeenten
| Angrenzende gemeenten | ||
|---|---|---|
| Dronten (Fl) | Elburg | |
| Harderwiek |  | Epe |
| Armelo | Apeldoorne | |
Zie oek
Uutgaonde verwiezingen
- Webstee van de gemeente
- Webstee van de Heemkundige Vereniging Nuwenspete
- n Kaorte van Nunspeet
- Nunspeet.net
- Webstee van de Nunspeetse en Elspeetse braandweer
| Plaotsen in de gemeente Nunspeet | | |||||
|---|---|---|---|---|---|---|
|
| Provinsie Gelderlaand |  | ||
|---|---|---|---|
|
 | Disse pagina is eschreven in t Nunspeets |
This article uses material from the Wikipedia Nedersaksisch article Nunspeet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.