ပအိုဝ်းအမျိုးသားလွတ်မြောက်ရေးတပ်မတော်

ပအိုဝ်းအမျိုးသားလွတ်မြောက်ရေးတပ်မတော်
ပအိုဝ်ႏစွိုးခွိုꩻလွစ်ထန်ႏရေꩻတပ်မတောႏ မြန်မာ့ပြည်တွင်းပဋိပက္ခများတွင် ပါဝင်
PNLA ၏ စစ်ရေးအလံ
လှုပ်ရှား	လက်ရှိ ၂၀၀၉ (၂၀၀၉)–လက်ရှိ လွတ်လပ်ရေးနှောင်းပိုင်း ၁၉၄၉ (၁၉၄၉)–၁၉၇၆ (၁၉၇၆)
ခံယူချက်	ပအိုဝ်းအမျိုးသားရေး ခွဲထွက်ရေး စစ်အာဏာရှင်အပြီးချုပ်ငြိမ်းရေး
ဦးဆောင်သူများ	ခွန်တီးဆောင်း (၂၀၀၇-၂၀၀၉) ခွန်ဥက္ကာ (၂၀၀၉-၂၀၁၃) ခွန်မြင့်ထွန်း (၂၀၁၃-၂၀၁၈) ခွန်သူရိန် (၂၀၁၉-လက်ရှိ)
စစ်ဖက်ဆိုင်ရာခေါင်းဆောင်	ခွန်သူရိန် (၂၀၀၇-၂၀၁၇) ခွန်ကျော်ထင် (၂၀၁၇-လက်ရှိ)
ဌာနချုပ်	လေးဗွာစခန်း, ရှမ်းပြည်နယ်
လှုပ်ရှားသည့် ဧရိယာ	ရှမ်းပြည်နယ် မြန်မာနိုင်ငံ-ထိုင်းနိုင်ငံ နယ်စပ်
ယခင်	ပအိုဝ်းလူမျိုးလွတ်မြောက်ရေးအဖွဲ့ ရှမ်းပြည်နယ် လူမျိုးပေါင်းစုံ လွတ်မြောက်ရေးအဖွဲ့
ပြိုင်ဘက်	မြန်မာ တပ်မတော် ပြည်ထောင်စု မြန်မာနိုင်ငံ (၂၀၁၁ အထိ) ပအိုဝ်းအမျိုးသားတပ်မတော် (၂၀၂၂-လက်ရှိ)
တိုက်ပွဲနှင့် စစ်ပွဲများ	မြန်မာ့ပြည်တွင်းပဋိပက္ခများ

၂၀၁၂ ခုနှစ် ဩဂုတ်လတွင် PNLA သည် မြန်မာနိုင်ငံ အစိုးရနှင့် "ပြည်နယ်အဆင့် သဘောတူညီချက် ငါးချက်" နှင့် "ပြည်ထောင်စုအဆင့် သဘောတူညီချက် ရှစ်ချက်" တို့ကို လက်မှတ်ရေးထိုးခဲ့သည်။

၂၀၁၂ ခုနှစ် ဩဂုတ်လ ၂၅ ရက်နေ့တွင် အစိုးရနှင့် PNLA တို့သည် "ပြည်နယ်အဆင့် သဘောတူညီချက် ၅ ချက်" နှင့် "ပြည်ထောင်စုအဆင့် သဘောတူညီချက် ၈ ချက်" တို့ကို လက်မှတ်ရေးထိုးခဲ့ကြသည်။

ပြည်နယ်အဆင့် ငြိမ်းချမ်းရေးဖော်ဆောင်ရေးအဖွဲ့နှင့် PNLA ၏ ငြိမ်းချမ်းရေးကိုယ်စားလှယ်အဖွဲ့တို့သည် အောက်ပါ အချက်ငါးချက်ကို သဘောတူညီခဲ့ကြသည်။

• (က) ၂၀၁၂ ခုနှစ် ဩဂုတ်လ ၂၅ ရက်နေ့မှစ၍ နှစ်ဦးနှစ်ဖက် ပစ်ခတ်တိုက်ခိုက်မှု ရပ်ဆိုင်းရန်၊
• (ခ) နှစ်ဖက်သဘောတူညီ ညှိနှိုင်းရရှိထားသည့် သတ်မှတ်နေရာများတွင် နေထိုင်ရန်၊
• (ဂ) သတ်မှတ်နေရာမှအပ အခြားဒေသသို့ လက်နက်ဖြင့် သွားရောက်ခြင်း မပြုရန်၊
• (ဃ) ဆက်ဆံရေးရုံးစခန်းများကို နှစ်ဖက်သဘောတူညီသည့် တောင်ကြီး၊ ဆီဆိုင်၊ မောက်မယ်မြို့များ၌ လက်နက်မပါ ထားရှိရန်၊
• (င) ပြည်ထောင်စုအဆင့် ငြိမ်းချမ်းရေးဆွေးနွေးပွဲအဖွဲ့နှင့် ဆွေးနွေးရန်အတွက် ကိုယ်စားလှယ်အဖွဲ့ တရားဝင်ဖွဲ့စည်းပေးရန်နှင့် ၂၀၁၂ ခုနှစ် ဩဂုတ်လ ၂၅ ရက်နေ့မှစ၍ သုံးလထက်မကျော်သော ကာလတွင် ပြည်ထောင်စုအဆင့် ဆွေးနွေးပွဲကို စတင်နိုင်ရန်

ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီနှင့် PNLA တို့သည် အောက်ပါ အချက်ရှစ်ချက်ကို သဘောတူညီခဲ့ကြသည်။

• (က) ပစ်ခတ်တိုက်ခိုက်မှု ရပ်စဲရေးကိစ္စကို ခိုင်မာသည်ထက် ခိုင်မာအောင် ဆွေးနွေးရန်၊
• (ခ) Code of Conduct များ သတ်မှတ်နိုင်ရေး ညှိနှိုင်းဆောင်ရွက်ရန်၊
• (ဂ) ဆက်ဆံရေးရုံးများ လုပ်ငန်းလည်ပတ်နိုင်ရန်အတွက် ပြည်ထောင်စုငြိမ်းချမ်း၇ေးဖော်ဆောင်ရေး လုပ်ငန်းကော်မတီမှ ကူညီရန်၊
• (ဃ) PNLO/PNLA တပ်ဖွဲ့ဝင်များ၏ တပ်တည်နေရာများကို ဆက်လက်ညှိနှိုင်းရန်၊
• (င) မူးယစ်ဆေးဝါးတိုက်ဖျက်ရေး ပူးပေါင်းဆောင်ရွက်ရန်ကိစ္စ ညှိနှိုင်းရန်၊
• (စ) သတင်းမီဒီယာကိစ္စရပ်များ ညှိနှိုင်းဆောင်ရွက်ရန်
• (ဆ) တပ်ဖွဲ့ဝင်များ၏ စားဝတ်နေရေးကိစ္စရပ်များကို ဆွေးနွေးညှိနှိုင်းရန်၊
• (ဇ) ပြည်သူလူထုလုံခြုံရေးနှင့် အခြေခံစိုက်ပျိုးရေးကိစ္စ ဆွေးနွေးညှိနှိုင်းရန်

၂၀၂၁ မြန်မာနိုင်ငံစစ်အာဏာသိမ်းခြင်း ဖြစ်ရပ် ဖြစ်ပွားခဲ့ပြီးနောက်  အလွှာပေါင်းစုံအပါအဝင် တိုင်းရင်းသားလက်နက်ကိုင်အဖွဲ့များ နှင့်  နိုင်ငံတော်စီမံအုပ်ချုပ်ရေးကောင်စီ တို့အကြား လက်နက်စွဲကိုင်တိုက်ပွဲများတွင် ပအိုဝ်းအမျိုးသားလွတ်မြောက်ရေးတပ်မတော် က ဝင်မပါဘဲ ကြားနေ ခဲ့သည်။ စစ်ကောင်စီ နှင့် နီးကပ်သည့် ဆက်ဆံရေးကိုလည်း ပြုလုပ်ခဲ့ပြီး  ၂၀၂၂ ခုနှစ် ဇွန်လ ၁၆ ရက်နေ့တွင်  စစ်ကောင်စီဥက္ကဋ္ဌ ကမ်းလှမ်းသော ငြိမ်းချမ်းရေး ဆွေးနွေးပွဲအား တက်ရောက်သည်။

၂၀၂၄ ခုနှစ် ဇန်နဝါရီ ၂၁ ရက် တွင် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ စံဖူးရွာ ၌ ပအိုဝ်းအမျိုးသား လွတ်မြောက်ရေး တပ်မတော်(PNLA) ၏ လက်နက်ယာဉ်တန်းအား တပ်မတော် နှင့် PNO ပအိုဝ်းပြည်သူ့စစ် တို့က ဖမ်းဆီးစစ်ဆေးခဲ့ရာမှ တဆင့် တိုက်ပွဲ စတင် ဖြစ်ပွားသည်။ နှစ်ဖက်ဆွေးနွေးညှိနှိုင်းခဲ့ကြသော်လည်း ပြေလည်မှုမရဘဲ တိုက်ပွဲ ဆက်လက်ဖြစ်ပွားသည်။တောင်ကြီးမြို့ ရှိ PNLA ဆက်ဆံရေးရုံး တာဝန်ခံအပါအဝင် ၃ ယောက်ဦး အား တပ်မတော်က ဖမ်းဆီးသည်။

၂၀၂၄ ခုနှစ် ဇန်နဝါရီ ၂၄ ရက်တွင် ရှမ်းပြည်နယ်တောင်ပိုင်း ဆီဆိုင်မြို့ အား PNLA ပအိုဝ်းအမျိုးသားလွတ်မြောက်ရေးတပ်မတော် နှင့် ပူးပေါင်းတပ်ဖွဲ့တို့ ဝင်ရောက်သိမ်းပိုက်သည်။

၈နှစ်ကြာချုပ်ဆိုခဲ့သော NCAသဘောတူညီချက်ကို စစ်ကောင်စီကချိုးဖောက်ခဲ့သဖြင့် စစ်ကောင်စီအား ဘဝတူညီနောင် မဟာမိတ်များနှင့်အတူ တိုက်ခိုက်မည်ဖြစ်ကြောင်း ၂၀၂၄ခုနှစ် ဇန်နဝါရီလ၂၆ရက်နေ့ညပိုင်းတွင် ပအိုဝ်းအမျိုးသားလွတ်မြောက်ရေးအဖွဲ့ချုပ် က ကြေညာသည်။