ခြူးလေး

ခြူးလေး
ခြူးလေး
	၂၀၂၀ မှာ တွေ့ရတဲ့ခြူးလေး
မွေးဖွား	စန်းသော်တာ; အောက်တိုဘာ ၅၊ ၁၉၉၃ (အသက် ၃၀); သံတွဲ, ရခိုင်ပြည်နယ်, မြန်မာ
နိုင်ငံလူမျိုး	ဗမာ
မိခင်ကျောင်း	ရန်ကုန်အနောက်ပိုင်းတက္ကသိုလ်
အလုပ်အကိုင်	သရုပ်ဆောင်
တက်ကြွလှုပ်ရှားနှစ်များ	၂၀၁၂-ယနေ့ထိ
အရပ်	၅ ft ၄ in (၁.၆၃ m)

အစောပိုင်းဘဝနှင့် ပညာရေး

မြန်မာနိုင်ငံ၊ ရခိုင်ပြည်နယ်၊ သံတွဲမြို့၌ ၁၉၉၃ အောက်တိုဘာ ၅ တွင် ခြူးလေးကို မွေးဖွားသည်။ အမည်မှာ စန်းသော်တာ၊ မွေးချင်းနှစ်ယောက်အနက် အကြီး ဖြစ်ကာ၊ မောင် ရှိသည်။ အင်းစိန် အမှတ်(၄)အခြေခံပညာအထက်ကျောင်း၌ ပညာသင်ယူသည်။ ရန်ကုန်အနောက်ပိုင်းတက္ကသိုလ်မှ အင်္ဂလိပ်ဘာသာအထူးပြုဖြင့် ဘွဲ့ရသည်။

အနုပညာ

၂၀၁၂-၂၀၁၃: ပွဲဦးထွက်ကာလ

၂၀၁၂ တွင် မျက်နှာသစ်သရုပ်ဆောင်ရွေးချယ်ပွဲ ဖြစ်သော ပျော်ရွှင်စရာသရုပ်ဆောင်ကမ္ဘာ ၌ ဝင်ရောက်ယှဉ်ပြိုင်သည်။ ထို့နောက် MRTV-4 ရုပ်သံနှင့် ငါးနှစ်စာချုပ် ချုပ်သည်။ ကြယ်တာရာတိုက်ပွဲရုပ်ရှင်၌ သရုပ်ဆောင်သင်တန်းမှ သူငယ်ချင်းများနှင့်အတူ ပွဲဦးထွက်လာသည်။ ၎င်းနောက်၊ ဟိန်းဝေယံအပြိုင် အင်တင်တင်ဂွင်၌လည်းကောင်း၊ ပြေတီဦးနှင့်အပြိုင် Twist ၌လည်းကောင်း သရုပ်ဆောင်သည်။

၂၀၁၄: ရေပန်းစားမှု

၂၀၁၄၊ သူမ၏ ၂၀၁၄ ဖေဖော်ဝါရီ MRTV-4 မှ ထုတ်လွှင့်သော ပွဲဦးထွက် ရုပ်သံ ထာဝရမန္တလေး၌ သရုပ်ဆောင်ရာ၊ အောင်မင်းခန့်၊ ဟန်လင်းသန့်၊ အောင်ရေချမ်း၊ မေမီကျော်ကျော်တို့နှင့်အတူ အဓိကဇာတ်ရုပ်တွင် ပါဝင်သည်။ ဤဇာတ်လမ်းတွဲသည် မြန်မာရုပ်သံဇာတ်လမ်းတွဲသမိုင်းတွင် အကြီးအကျယ် အောင်မြင်မှု ရရှိသည်။ နောက် ဒုတိယရုပ်သံဇာတ်လမ်းတွဲ ဖြစ်သော ပန်းနုသွေး(ဇာတ်ထုပ် ၂)၌ ပါဝင်ရာ၊ ထိုနှစ်မှာပင် MRTV-4 က ထုတ်လွှင့်သည်။ ထိုတွင် သူ့ဇာတ်ရုပ်ဖြစ်သော ခြူးလေးကို ဝိုင်းဝန်း၍ အားပေးကြရာ၊ လူအများပါးစပ် ရေပန်းစားလာသည်။ နောက်ပိုင်းတွင် သူ့အမည်ကို နေအဉ္ဇရာမှ ခြူးလေးဟု ပြောင်းသည်။

၂၀၁၅-မျက်မှောက်: ရုပ်ရှင်ကားကြီး၌ ပါဝင်ခြင်း

၂၀၁၅ တွင်၊ ဟန်လင်းသန့်၊ မေမြင့်မိုရ်တို့နှင့် အပြိုင် မိုးပန်းပွင့်ရဲ့သင်္ကေတ ဇာတ်ကား၌ ခေါင်းဆောင်မင်းသမီးနေရာ၌ ဦးစွာ သရုပ်ဆောင်လာသည်။ ၂၀၁၈ စက်တင်တာ ၁၄ ၌ ရုံတင်ပြသရာ၊ ၂၀၁၈ မြန်မာရုပ်ရှင်အကယ်ဒမီဆုပေးပွဲ၌ အကောင်းဆုံးအမျိုးသမီးဇာတ်ပို့ဆုအတွက် စကာတင်စာရင်း ဝင်သွားသည်။

ထို့နောက် လူရည်ချွန် (၂၀၁၅)၊ ၂၀၁၆ တွင် ပို၍လှသောမနက်ဖြန်၊ ကံကံ၏အကျိုး၊ ၂၀၁၈ တွင် ရသမော်ကွန်းအလင်္ကာ၊ ရွှေဖူးစာဆုံရာမြေ၊ Happy Beach: Season 2၊ ၂၀၁၉ တွင် ချစ်ရပါသောနွေ၊ နွေလယ်ညရဲ့လမင်းဟူသော မြောက်မြားလှသော ရုပ်သံစီးရီးများတွင် ပါဝင်လာသည်။ ၂၀၁၉ တွင် ကျော်ကြားအမွှေစိန်ဝိဉာဉ်၊ ၂၀၂၀ တွင် သောင်းတိုက်ကကြားစေသား ရုပ်ရှင်တို့တွင် ပါဝင်သည်။ စာရေးဆရာမ ခင်နှင်းယု ရေးသော နာမည်ကျော် ဝတ္ထုဖြစ်သည့် သရဖူ ဇာတ်လမ်းတွဲတွင် ပါဝင်သည်။

ရုပ်ရှင်ရုပ်သံ

ရုပ်ရှင်

ခုနှစ်	ဇာတ်ကားအမည်	တွဲဖက်သရုပ်ဆောင်	မှတ်ချက်
၂၀၁၂	ကြယ်တာရာတိုက်ပွဲ		ပွဲဦးထွက်ရုပ်ရှင်
၂၀၁၃	အင်တင်တင်ဂွင်	ဟိန်းဝေယံ
၂၀၁၃	Twist	ပြေတီဦး
၂၀၁၄	ကောက်ကြောင်းမျဉ်းပြိုင်	နေတိုး ဝတ်မှုံရွှေရည် ဇေရဲထက်

ရုံတင်ရုပ်ရှင်

ခုနှစ်	ရုပ်ရှင်အမည်	မှတ်ချက်
၂၀၁၈	မိုးပန်းပွင့်ရဲ့သင်္ကေတ	အကောင်းဆုံးအမျိုးသမီးဇာတ်ပို့ဆုစာရင်းဝင်
၂၀၁၉	ကျော်ကြားအမွှေစိန် ဝိညာဉ်
၂၀၁၉	ဘာညာဘာညာ
၂၀၂၀	သောင်းတိုက်ကကြားစေသား

ရုပ်သံ

ခုနှစ်	ဇာတ်လမ်းတွဲအမည်	ကွန်ယက်
၂၀၁၄	ထာဝရမန္တလေး	MRTV-4
၂၀၁၅	ပန်းနုသွေး အတွဲ၂	MRTV-4
၂၀၁၅	လူရည်ချွန်	MRTV-4
၂၀၁၆	ပို၍လှသောမနက်ဖြန်	MRTV-4
၂၀၁၆	ကံ ကံ၏အကျိုး	MRTV-4
၂၀၁၇	ပဉ္စလက်ရွာ	MRTV-4
၂၀၁၈	ရသ မော်ကွန်း အလင်္ကာ	MRTV-4
	ရွှေဖူးစာဆုံရာမြေ	MRTV-4
	Happy Beach: Season 2	MRTV-4
၂၀၁၉	ချစ်ရပါသောနွေ	MRTV-4
၂၀၁၉	နွေလယ်ညရဲ့လမင်း	MRTV-4

ဆုနှင့် စကာတင်

ခုနှစ်	ဆု	အမျိုးအစား	လက်ရာ	ရလဒ်
၂၀၁၈	မြန်မာရုပ်ရှင်အကယ်ဒမီဆု	အကောင်းဆုံးအမျိုးသမီးဇာတ်ပို့ဆု	မိုးပန်းပွင့်ရဲ့သင်္ကေတ	ဆန်ခါတင်
၂၀၁၈	ကြယ်ပွင့်ဆု	အကောင်းဆုံးအမျိုးသမီးဇာတ်ပို့ဆု	မိုးပန်းပွင့်ရဲ့သင်္ကေတ	ဆန်ခါတင်
၂၀၁၈	ကြယ်ပွင့်ဆု	အကောင်းဆုံးအမျိုးသမီးမျက်နှာသစ်ဆု	မိုးပန်းပွင့်ရဲ့သင်္ကေတ	ဆန်ခါတင်

ကိုးကား

ပြင်ပလင့်ခ်များ

ဖေ့စ်ဘွတ်ခ် ပေါ်ရှိ ခြူးလေး
အင်စတာဂရမ် ပေါ်ရှိ ခြူးလေး

This article uses material from the Wikipedia မြန်မာဘာသာ article ခြူးလေး, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.