Ua spresson idiomática ó spresson popular ye un cunjunto de palabras que se carateriza por nun ser possible eidantificar sou seneficado mediante l sentido literal de ls tenermos analisados andebidualmente.
Desta forma, an giral, ye mui defícel ó mesmo ampossible traduzi-las para outras lénguas, percipalmente las menos semelhantes.
Las spressones idiomáticas muitas bezes stan associadas la gírias, jargones ó cuntestos culturales specíficos a ciertos grupos de pessonas que se çtinguen pula classe, eidade, region, profisson ó outro tipo d'afenidade. Muitas destas spressones ténen eisisténcia cúrtie ó quedan restritas al grupo adonde surgiran, anquanto alguas outras resisten al tiempo i acaban sendo ousadas de forma mais abrangente, strapolando l cuntesto ouriginal. Neste radadeiro causo, l'ourige stórica de l sou seneficado muitas bezes se perde de to ó queda lemitada a un relatibamente pequeinho grupo d'usuairos de la léngua.
Na léngua anglesa, l termo idion corresponde al cunceito de "spresson idiomática" an pertués. Segundo l lenguista John Saed, un "idion" puode ser defenido cumo "un cunjunto de palabras que se tornou fixo, petrificado, atrabeç de l tiempo i de l'uso" . Essa justaposiçon de palabras, ouriginalmente ousada por un grupo detreminado, altara la defeniçon literal de cada palabra eilhi posicionada i cria un seneficado nuobo i ouriginal, desta forma anriquecendo la lenguaige. L'amportança de ls "idioms" an anglés ye a las bezes inda maior que la de las spressones idiomáticas ne l pertués, bisto que l'anglés ten caréncia, nun cierto sentido, de ciertas palabras i spressones.
Debe-se ouserbar que l termo léngua an pertués, senefica ua léngua (corriente ó zaparecida) falada por seres houmanos i ousada cumo strumiento de quemunicaçon berbal i/ó scrita. Desta forma la palabra "léngua" nun deber ser traduzida pa l'anglés por idion i si por language.
Modelo:Figuras de lenguaige
This article uses material from the Wikipedia Mirandés article Spresson idiomática, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.