Reloijo

Ye ua de las mais antigas ambençones houmanas.

Ls mais antigos éran ls reloijos de sol, probablemente ousados puls gnómons. La stória registra qu'apareciu na Judeia, mais ó menos an 600 a.C., culs reloijos d'auga (clepsidras) i ls reloijos d'arena (ampulhetas). L'arcebispo de Berona chamado Pacífico, an 850 de la nuossa era, custruiu l purmeiro reloijo macánico baseado an angrenaiges i pesos. An 797 (ó 801), l califa de Bagdade, Harun al-Rashid, persenteou Carlos Magno cun un alifante asiático chamado Abul-Abbas, junto cun un reloijo macánico d'adonde saía un páixaro qu'anunciaba las horas. Esso andica que ls purmeiros reloijos macánicos probablemente fúrun ambentados puls asiáticos. Assi i todp, ambora eisista cuntrobérsia subre la custruçon de l purmeiro reloijo macánico, l papa Silbestre II ye cunsidrado sou ambentor. Outros grandes custrutores i aperfeiçoadores de reloijos fúrun Ricardo de Walinfard (1344), Santigo de Dondis (1344), sou filho João de Dondis que quedou coincido cumo "Horologius", i Anrique de Bick (1370).

Por buolta de 1500, Pedro Heinlein, na cidade de Nuremberga, fabrica l purmeiro reloijo de bolso.

Até que, an 1595, Galileu Galilei çcubre la Lei de l Péndulo. Culs reloijos macánicos aparece ua grande bariadade de técnicas de registro de la passaige de l tiempo. Ls reloijos deste tipo puoden ser de péndulo, de quartzo ó cronómetros.

Ls mais percisos son ls atómicos.

Ls purmeiros reloijos outelizados fúrun ls reloijos de bolso. Éran mui ralos i tenidos cumo berdadeiras jóias, pus poucos tenien un. Ls reloijos de bolso éran simblo de l'alta aristocracie.

Comenta-se que fui Santos Dumont quien ambentou ls reloijos de pulso. L'amisade de Santos Dumont cun Louis Cartier benie de la fin de l seclo XIX. Ua nuite, Alberto dixo-le que nun tenie cumo ler l'hora an pleno bolo an sou reloijo de bolso; cula ajuda de l mestre relojeiro Edmond Jaeger, Cartier apersentou ua soluçon para Santos Dumont, un protótipo de l reloijo de pulso, an 1904, l qual premitie ber las horas mantenendo las manos ne ls quemandos.

 

 

 

 

• Big Ben
• Cronógrafo
• Cronómetro
• Horologie
• Reloijo Astronómico Orloj, an Praga
• Rádio-reloijo
• Reloijo de xadreç
• Reloijo atómico
• Reloijo biológico
• Reloijo d'auga ó Clepsidra
• Reloijo d'arena ó Ampulheta
• Reloijo d'azeite
• Reloijo de bolso
• Reloijo de parede
• Reloijo de péndulo
• Reloijo de pulso
• Reloijo de rue
• Reloijo de quartzo
• Reloijo de sol
• Reloijo degital
• Reloijo eiletrónico

• çpertador an linha Arquibado an 2009-02-13 ne l Wayback Machine.

 

L Commons ten multimédia relacionada cun: Reloijo