Tied Klók

Laes hie wie v'r mit de versjillende saorte Limburgs ómgaon.

'n Klók (Platduutsj en Waals: ôrlodje) is e instrumaent öm d'r tied te maeëte. 't Waoërd klók wert ooch gebroekd öm vör de kas oeëin 't oeërwaerk zich bevindt.

 

De örsjte aparate öm d'r tied te maeëte waore de zónnewiezers oeëbie d'r sjaem van de naold, die zich verplaatsjt es gevólg van de driejing van de aeërd, 'n maot vör d'e tied aangoof. Via zaandlopers en allerlèj aander mechanismes waoërt oeteindelek 't mechanische sjlingeroeërwaerk oetgevonde. Vanaaf dat momaent waor d'r tied mèt enige nauwkeurigheed te maeëte. De oetveending van de mechanische klók wert toegesjraeve an d'r Fransmaan Gerbert (later Paus Sylvester II), dae laefde roond d'r 10e ieëw. Bies an d'r Nuje Tied waor 'n klók 't ingewikkeldste masjieng dat me make koes.