Slaagaanval

Laes hie wie v'r mit de versjillende saorte Limburgs ómgaon.

Lèt good op 't veurbehawd bie medische informatie. Gank bie gezóndjheidsklachte nao 'nen hoesdokter.

'ne Slaagaanval, 'ne slaag, e beslaag of e cerebrovasculair accident is 'n acuut medisch euvel wobie 'n ónverhödse verstuuering vanne doorbleujing inne herre plaatshaet. 't Kènmirk zich door e plötslig verluus van funksje in e deil vanne herre. Dit verluus kan kómme door 'n verstópping inne bloodvater inne herre ('n herreninfark) of 'n herrebleujing. Det kan rizzelteren in 'n verlaming van ein of mieëdere liefsextremiteite, meis ane zelvendje kantj van 't lief (hemiplegie). Ouch kan 't afasie (spraokverluus) of blindjheid aan eine kantj van 't gezichsveldj es gevolg höbbe.

E beslaag is e medisch noeadval det permanente neurologische sjaaj en zelfs d'n doead kan veroearzake.

Beslaeg kome gewuuenlik ónverhöds inèns toet standj in e bestaek van e paar sekónd of menuut, wonao de symptome neet wiejer verergere. De symptome hangen aaf van welch deil vanne herren is aangetas, esouch de gruuedje van 't betroffe gebied. De kènmirkendjste symptome is 't drek "hange" van 't gezich door verlaming, 't ewegzakke vannen erm wen me dem perbeertj inne lóch te hajen en aafwiekendje spraok.

't Guuef e deil risicofactore die de sjans op e beslaag vergruuete, wie eljerdóm, sókkergekrenkdje, hoeag cholesterol, rouke van toebak, atriumfibrillatie, 'n veurgesjiechte van beslaeg en 'n hoger blooddrök.