Lima ye la capital i la maior cidade de l Peru i queda acerca de la cuosta de l Pacífico.
Eigualmente fui capital de l Bice-Reinado de l Peru na época quelonial. Lima ye tamien la capital de la porbíncia de Lima.
Fui fundada por Francisco Pizarro an 18 de janeiro de 1535 cul nome an spanhol de Ciudad de los Reyes (Cidade de l Reis). Inda assi, cul tiempo persistiu sou nome oureginal, que ben porbablemente de l lhéngua aimará (lima-limaq, ó flor amarielha) ó de l quíchua, por causa de sou riu, Rímac. Ne ls purmeiros mapas de l Peru se puoden ber a la par ls nomes Lima i Ciudad de los Reyes. Fui la capital de l Bice-Reino de l Peru até la andependéncia.
An 1746 buona parte de la cidade fui çtruída por un terramoto. Antre 1881 i 1883 fui acupada pul Chile durante la Guerra de l Pacífico.
Lima ten cerca de 8.8 milhones de habitantes (2015), cerca dun terço de la populaçon peruana, i ye l centro eiquenómico i político de l paíç, cuncentrando más de 70% de sue andústria (las percipales son las tésteis, papel, alimentos i tintas) i quemércio. Tal crecimiento fui perduto percipalmente de l éxodo rural i migraçon ourbana (salindo de cidades menores de l paíç) de las redadeiras décadas, specialmente zde ls anhos 50 de l seclo XX.
La Grande Lima se stende por más de 100 km al longo de la cuosta, abrangendo tamien l porto de Callao, l percipal de l paíç, i cumpone-se de 43 çtritos. La modernizaçon de l comércio ne ls redadeiros anhos dotou la capital peruana de funcionalidades dinas de qualquiera metrópole cumo shopping centers, multinacionales, chegada de grandes marcas, locales de quemércio 24 horas que funcionan todos ls dies, percipalmente ne ls bairros más nobres. Por outro lado, la cidade sufre cunsidrablemente cula poluiçon, porbocada por miles de beiclos, percipalmente la frota circulante más antiga.
Tiempo caliente ne l berano i morno ne l ambierno, Lima ten ua bariaçon de temperaturas mui pequeinha. Ne l berano, las temperaturas puoden superar 27 °C, i dificilmente son más baixas de l que 20 °C. L més más caliente de la cidade ye febreiro, cun ua média de 24 °C. Yá ne l ambierno, la bariaçon ye menor inda: solamente 4 °C(esso an setembre, porque an júlio i agosto ye de 3 °C).L que anfuencia mui nesso ye la localizaçon próssima al mar i l aire de oeste. Las mássimas médias nun supírun 19 °C i puoden caier até 15 °C an setembre, més más friu de la cidade. Las primaberas son un pouco más fries de l que ls outonhos.
Localizado al Oeste de la Cordilheira de ls Andes, Lima ye ua cidade que nun questuma recebir chuba, mas ten muitos dies nublados, anton la houmidade relatiba de l aire ye alta durante to l anho, percipalmente ne l ambierno. La falta de chuba acuntece por sue localizaçon próssima a la Cordilheiras de ls Andes. Las nubres nun stan a ua altitude alta l suficiente para passar pula Cordilheira. Anque nun haber altitude al Oeste, l bento nun ben por aqueilha direçon, porque ua corriente marítima ampede las nubres de chegórun la Lima. Ne l ambierno, yá chuobe más facilmente, porque puode haber ua massa de aire friu de l Sul que traç nubres carregadas, anque ser bien ralo, pus Lima se localiza próssimo la Linha de l Eiquador, i las chubas giralmente son mui fracas. Hai muitos anhos nun chuobe na cidade de Lima.
Més | Jan | Feb | Mar | Abr | Mai | Jún | Júl | Ago | Set | Out | Nob | Dez | |
---|---|---|---|---|---|---|---|---|---|---|---|---|---|
Temperatura média mínema (°C) | 20 | 21 | 21 | 19 | 17 | 16 | 16 | 16 | 15 | 16 | 17 | 19 | |
Temperatura média mássima (°C) | 26 | 27 | 27 | 24 | 22 | 21 | 19 | 19 | 19 | 21 | 22 | 24 | |
Chuba (mn) | 0 | 0 | 0 | 0 | 0 | 3 | 5 | 3 | 3 | 3 | 0 | 0 | |
Fuonte: .com/weather/climatology/PEXX0011 The Weather Channel[lhigaçon einatiba] |
La oureginalidade de sou centro stórico baliu-le ser çclarado pula UNESCO cumo Património Cultural de la Houmanidade ne l anho de 1988.jcdaç,asc,
La cidade d' Lima anclui l' sítio Centro Stórico de Lima, Património Mundial da UNESCO. |
A seguir, ua lista de museus que puoden ser antressantes de l punto de bista cultural pa l bejitante desta cidade.
This article uses material from the Wikipedia Mirandés article Lima, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.