It-Tripletta (jew aħjar bl-Ingliż, The Treble) huwa terminu fil-futbol li jintuża' biex jirreferi għal klabb li jkun rebaħ il-kampjonat nazzjonali, l-aqwa tazza domestika u t-tazza tal-kompetizzjoni kontinentali fl-istess staġun.
Ġeneralment, tripletta tinqasam fi tliet kategoriji diversi. Dawn huma, it-Tripletta Kontinentali – għal tim li jirbaħ il-kampjonat domestiku, l-aqwa tazza domestika u l-aqwa tazza kontinentali, u t-Tripletta Domestika – tikkonsisti mill-kampjonat u rebħiet fiż-żewġ tazzi nazzjonali.
L-FA Community Shield (jew trofej minuri oħra simili), is-Supertazza Ewropea (jew dawk minn konfederazzjonijiet oħra), is-Supertazzi domestiċi (bħas-Supertazza tal-Italja, is-Supertazza ta' Spanja), it-Tazza Interkontinentali, jew it-Tazza tad-Dinja tal-Klabbs huma rari riferuti bħala parti mit-tripletta.
Tripletta oħra distinti hi t-Tripletta Internazzjonali, li tikkonsisti mill-aqwa kompetizzjoni kontinentali (għall-UEFA, il-Kampjonati Ewropej), it-Tazza tad-Dinja u t-Tazza tal-Konfederazzjonijiet. Din hi differenti mit-tripletti l-oħra hekk kif hu impossibbli li tirbaħ dawn kollha fi staġun wieħed jew f'sena ta' kalendarju; pajjiż li jikseb din it-tripletta hu kkunsidrat bħala d-detentur tat-tliet trofej fl-istess ħin.
Ir-rebħ ta' erba' trofej rari sseħħ, fejn din tissejjaħ Il-Kwadruplu u tikkonsisti mir-rebħ tat-tazza kontinentali u tliet tazzi domestiċi. Dan l-avveniment seħħ darba biss fl-istorja mit-tim ta' Celtic lura fl-1967.
Din it-tip ta' tripletta tikkonsisti minn klabb jirbaħ l-ogħla livell tal-kampjonat nazzjonali u r-rebħ tal-aqwa kompetizzjoni domestika (Id-Doppjetta), flimkien mal-kampjonat kontinentali, dawn kollha fi staġun wieħed. Dan it-tragward intlaħaq l-ewwel darba mit-tim ta' Celtic fl-1967, meta dan rebaħ il-kampjonat Skoċċiż, it-Tazza Skoċċiża u t-Tazza taċ-Ċampjins, u kif ukoll il-League Cup. Minn dakinhar 'il quddiem, erba' timijiet oħra laħqu dan it-tragward fl-Ewropa, waqt li erba' Afrikani, żewġ Ażjatiċi u tim Nord-Amerikan irrepetew ir-rebħ tat-tripletta.
Klabb | Sena | Titli mirbuħa għat-tripletta |
---|---|---|
Celtic FC | 1967 | Premier League Skoċċiż, Tazza Skoċċiża, Tazza taċ-Ċampjins |
Englebert | 1967 | Linafoot, Tazza tal-Kongo, CAF Champions League |
AS Vita Club | 1973 | Linafoot, Tazza tal-Kongo, CAF Champions League |
Defence Force | 1985 | TT Pro League, Tazza tat-Trinindad u Tobago, CONCACAF Champions Cup |
Al-Sadd | 1988 | Qatari League, Tazza tal-Qatar, AFC Champions League |
AFC Ajax | 1972 | Eredivisie, KNVB Cup, Tazza taċ-Ċampjins |
PSV Eindhoven | 1988 | Eredivisie, KNVB Cup, Tazza taċ-Ċampjins |
Thai Farmers Bank | 1995 | Thai League, Tazza tat-Tajlandja, AFC Champions League |
Manchester United FC | 1999 | FA Premier League, FA Cup, Champions League |
Hearts of Oak | 2000 | Premier League Ganiż, Tazza tal-Gana, CAF Champions League |
Al-Ahly | 2005 2006 | Premier League Eġizzjan, Tazza tal-Eġittu, CAF Champions League |
FC Barcelona | 2009 | La Liga, Tazza tar-Re, Champions League |
FC Internazionale Milano | 2010 | Serie A, Tazza Taljana, Champions League |
Espérance de Tunis | 2011 | Ligue Professionnelle 1, Tazza Tuneżina, CAF Champions League |
Bayern Munich | 2013 | Bundesliga, DFB Pokal, Champions League |
Din it-tip ta' tripletta tikonsisti minn klabb li jirbaħ l-ogħla diviżjoni tal-pajjiż flimkien mal-aqwa żewġ tazzi domestiċi, kollha fi staġun wieħed
Klabb | Numru ta' tripletti | Titli mirbuħa għat-tripletta |
---|---|---|
Rangers | 7 | Scottish Premier League, Tazza Skoċċiża, Tazza tal-Kampjonat Skoċċiża |
South China | 4 | Hong Kong League, Hong Kong Senior Shield, Hong Kong FA Cup |
Bayern München | 3 | Bundesliga, Tazza Ġermaniża, Tazza tal-Kampjonat Ġermaniża |
Celtic | 3 | Scottish Premier League, Tazza Skoċċiża, Tazza tal-Kampjonat Skoċċiża |
Linfield | 3 | Irish Premier League, Tazza tal-Irlanda ta' Fuq, Tazza tal-Kampjonat Irlandiża |
Shamrock Rovers | 3 | Irish Premier League, Tazza Irlandiża, League of Ireland Shield |
Kedah | 2 | Malaysian Super League, Tazza tal-Malażja, Tazza tal-Kampjonat tal-Malażja |
Melbourne Victory | 1 | A-League Challenge Cup, A-League Premiership, A-League Grand Final |
Cruzeiro | 1 | Kampjonat Mineiro, Tazza tal-Brażil, Campeonato Brasileiro Série A |
Sun Hei | 1 | Hong Kong League, Hong Kong Senior Shield, Tazza tal-Ħong Kong |
Al-Sadd | 1 | Qatari League, Tazza tal-Qatar, Tazza tal-Kuruna tal-Prinċep tal-Qatar |
Fall River Marksmen | 1 | American Soccer League, U.S. Open Cup, Tazza Lewis |
Brookhattan | 1 | American Soccer League, U.S. Open Cup, Tazza Lewis |
Bohemians | 1 | Irish Premier League, Tazza Irlandiża, League of Ireland Shield |
Derry City | 1 | Irish Premier League, Tazza Irlandiża, League of Ireland Shield |
Din it-tripletta tinvolvi dawk it-timijiet nazzjonali li rnexxielhom jirbħu tliet trofej fl-istess żmien. Dawn it-tip ta' tripletti huma impossibbli li jiġu miksuba fi staġun wieħed, u ġeneralment tikkonsisti mir-rebħ tal-kampjonat kontinentali tat-tim, it-Tazza tad-Dinja u t-Tazza tal-Konfederazzjonijiet.
Pajjiż | Sena | Titli mirbuħa għat-tripletta |
---|---|---|
Brażil | 1997 | Tazza tad-Dinja 1994, Copa America 1997 Tazza tal-Konfederazzjonijiet 1997 |
Franza | 2001 | Tazza tad-Dinja 1998, Kampjonati Ewropej 2000, Tazza tal-Konfederazzjonijiet 2001 |
Brażil | 2005 | Tazza tad-Dinja 2002, Copa America 2004, Tazza tal-Konfederazzjonijiet 2005. |
This article uses material from the Wikipedia Malti article It-Tripletta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.