Доод Новгород муж (Орос: Нижегородская область) буюу Нижегород муж нь Оросын Холбооны Улсын Ижил Мөрний Холбооны тойрогт харьяалагдах муж юм.
Мужийн төв нь Доод Новгород хот.
Доод Новгород муж | |
---|---|
Нижегородская область | |
Улс | Орос |
Холбооны тойрог | Ижил Мөрөн |
Эдийн засгийн бүс | Ижил Мөрөн-Вятка |
Засаг захиргааны төв | Доод Новгород |
Засаг захиргаа | |
• Биет | Хууль тогтоох хурал |
• Захирагч | Глеб Никитин |
Газар нутаг | |
• Нийт | 76,624 км2 (29,585 миль2) |
• Байр | 40-р байр |
Хүн ам (2021 Тооллого) | |
• Нийт | 3,119,115 |
• Тооцоо (2018) | 3,234,752 |
• Байр | 12-р байр |
• Нягтрал | 41/км2 (110/миль2) |
• Хотын нутаг | 79.9% |
• Хөдөө | 20.1% |
Цагийн бүс | UTC+3 () |
ISO 3166 код | RU-NIZ |
Улсын дугаар | 52, 152, 252 |
OKTMO ID | 22000000 |
Албан ёсны хэл | Орос хэл |
Вэб сайт | http://www.government-nnov.ru/ |
Тус муж нь Москвагийн цагийн бүс буюу UTC+3 бүст хамаарах бөгөөд зуны цагийн үедээ UTC+4 болно.
Хойд талаараа Иваново муж, Киров муж, зүүн талаараа Мари Эл, Чуваш, өмнө талаараа Мордова, Рязань муж, баруун талаараа Кострома муж, Владимир мужтай хиллэнэ.
Мужийн нутгаар Ижил мөрөн урсах бөгөөд зүүн эрэг буюу хойд талаар нь тэгш тал газар, баруун эрэг буюу өмнө талаар нь уул толгод үргэлжилнэ. Мужийн төв Доод Новгород хот нь мужийн бараг төвд, Ижил мөрний эрэг дээр оршино. Сибирийн төмөр зам нь тус мужийн нутгаар дайрч өнгөрөх тул Москва болон ОХУ-ын зүүн хязгаарыг холбосон зам тээврийн чухал зангилаа болно.
Эх газрын уур амьсгалтай, 1 сарын дундаж температур нь -12, 7 сарын дундаж температур нь +19 хэм. Жилийн хур тунадасны дундаж хэмжээ нь 500 мм орчим.
Хүн амын ихэнх нь оросууд боловч мордова, татар, украйнууд ч оршин сууна.
Доод Новгород нь 1393 онд Москвагийн их вант улсын харьяанд орсон бөгөөд 19-р зууны сүүлийн хагасаас аж үйлдэржилтийн улмаас эрчимтэй хөгжсөн юм.
1929 оны 1 сарын 14-нд муж болон зохион байгуулагдсан.
Зөвлөлт Холбоот Улсын үед буюу 1932-1990 онд Доод Новгородыг Горький гэж нэрлэдэг байсан тул мужийн нэр ч мөн адил Горький муж байв.
Байгалийн баялаг ховортой ч автомашины үйлдвэрлэл, техник, хүнс боловсруулах, химийн үйлдвэрүүд элбэгтэй.
Тус мужид 25 хот, 4,500 тосгон байдаг.
This article uses material from the Wikipedia Монгол article Доод Новгород муж, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.