Ань Си Ван Ананд
Хиад Боржигин Ананд (1273-1307) нь Хубилай хааны 3-р хүү Мангала Ань Си ван (сүүлд Чинь ван болсон)-гийн 3-р хүү юм.
1280 онд Мангала ван нас барсны дараа Ань Си ван болжээ.
Намтар
Хаан ширээний төлөөх өрсөлдөөн
Тэрээр 1307 онд Төмөр Өлзийт хаан нас барсны дараа Булган хатантай хуйвалдаж хаан ширээний төлөө өрсөлдөж байгаад, Хархасун чинсан, Аюурбарбад ван нарын цэрэгт ялагдаж улмаар ялтан болж цаазлуулсан. Түүний дараа ван цолыг нь хүү Ерүтөмөр хүртсэн. Юань улсын эхэн үедээ нилээн хүчирхэг феодалуудын тоонд орж байсан бөгөөд энэ нь хаан ширээний төлөө өрсөлдөхүйц нөлөөтэй байснаар тайлбарлаж болно. Тухайн үед юуны учир хаан ширээнд өрсөлдөхүйц байсныг тайлбарлавал,
- Хүн ам олонтой, цэрэг дайны ач холбогдол өндөр нутгийг захирч байсан
- Их тооны цэргийн хүчийг гаргах чадвартай
- Хааны ордны нөлөөтэй сайд түшмэдийг талдаа татаж чадсан
- Хубилай хааны их хатан Чабигийн дөрвөн хүүгийн удам дотроос үр хүүхэдтэй болсон Чингим, Мангала нарын шууд угсаа болсон нь Ананд чинь ван, хожуу хаан суусан Есөнтөмөр нарыг энэ өрсөлдөөнд ороход нөлөөлжээ.
Эзэмшил нутаг
Анх олгосон захирах газар нь Юань улсын Шэньси нутгийн син жун шу шэнгийн Ань Си чөлгөө буюу одоогийн БНХАУ-ын Шиань хотоор төвлөрсөн Шаньши мужийн нутгийг захирах болжээ.
Гэр бүл
- Өвөг эцэг:Хубилай хаан
- Эмэг эх:Чаби хатан
- Эцэг:Мангала ван
- Эх:нэр тодорхойгүй
- Ах дүүс: Арсланбуха чинь ван, Алтанбуха чинь ван
- Хүү: Ёлтөмөр ван
This article uses material from the Wikipedia Монгол article Ананд (Ань Си ван), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.