പി. സദാശിവം

കേരളത്തിന്റെ 23-ആം ഗവർണറാണ് ഇന്ത്യയുടെ ചീഫ് ജസ്റ്റീസായിരുന്ന പി. സദാശിവം (ജനനം: ഏപ്രിൽ 27 1949). ഷീല ദീക്ഷിത് കേരള ഗവർണർ സ്ഥാനം രാജിവെച്ചശേഷം അദ്ദേഹത്തെ ഗവർണറായി നോമിനേറ്റ് ചെയ്തു. 2013 ജൂലായ് 18-ന് ചീഫ് ജസ്റ്റിസ് അൽത്തമാസ് കബീറിന്റെ കാലാവധി അവസാനിച്ചതോടെയാണ് അദ്ദേഹം ചീഫ് ജസ്റ്റിസായി ചുമതലയേറ്റത്. സുപ്രീംകോടതിയിലെ നാല്പതാമത് ചീഫ് ജസ്റ്റിസായിരുന്നു അദ്ദേഹം. 2014 ഏപ്രിൽ 27 വരെയായിരുന്നു കാലാവധി.

The Honourable പഴനിചാമി സദാശിവം
23-ആം കേരള ഗവർണ്ണർ
ഓഫീസിൽ 5 സെപ്റ്റംബർ 2014 – 5 സെപ്റ്റംബർ 2019
മുൻഗാമി	ഷീല ദീക്ഷിത്
പിൻഗാമി	ആരിഫ് മുഹമ്മദ് ഖാൻ
40th Chief Justice of India
ഓഫീസിൽ 19 July 2013 – 26 April 2014
നിയോഗിച്ചത്	പ്രണബ് മുഖർജി
മുൻഗാമി	അൽതമാസ് കബീർ
പിൻഗാമി	Rajendra Mal Lodha
വ്യക്തിഗത വിവരങ്ങൾ
ജനനം	(1949-04-27) 27 ഏപ്രിൽ 1949  (74 വയസ്സ്) കടപ്പാനാല്ലൂർ, പവാനി, ഈറോഡ്‌ ജില്ല, തമിഴ്‌നാട്
ദേശീയത	ഇന്ത്യൻ
പങ്കാളി	സരസ്വതി സദാശിവം
അൽമ മേറ്റർ	ഗവൺമെന്റ് ലോ കോളേജ്, ചെന്നൈ
തൊഴിൽ	ജഡ്‌ജ്

ഇന്ത്യയിലെ പരമോന്നത നീതിപീഠത്തിന്റെ തലവനായിരുന്ന ജസ്റ്റിസ് പി. സദാശിവം ഈ പദവി അലങ്കരിച്ച ആദ്യത്തെ തമിഴ്‌നാട്ടുകാരനാണ്. 1951 മുതൽ 1954 ജനവരി വരെ, പഴയ മദ്രാസ് പ്രസിഡൻസിയിലെ നെല്ലൂരിൽ നിന്നുള്ള, പതഞ്ജലി ശാസ്ത്രി സുപ്രീം കോടതി ചീഫ് ജസ്റ്റിസായിരുന്നു. മദ്രാസ് പ്രസിഡൻസി വിഭജിക്കപ്പെട്ടപ്പോൾ നെല്ലൂർ ആന്ധ്രാപ്രദേശിനു കീഴിലായി. . ഇന്ത്യയിലെ ഒരു സംസ്ഥാനത്തിന്റെ ഗവർണറാകുന്ന ആദ്യ സുപ്രീം കോടതി ചീഫ് ജസ്റ്റിസാണാദ്ദേഹം.

തമിഴ്നാട്ടിലെ ഈറോഡിൽ 1949 ഏപ്രിൽ 27നു ജനിച്ച പി. സദാശിവം 1977 ൽ അഭിഭാഷക ജീവിതം ആരംഭിച്ചു. മദ്രാസ് ഹൈക്കോടതിയിൽ ദീർഷകാലം അഭിഭാഷകനായ അദ്ദേഹം, 1997ൽ മദ്രാസ് ഹൈക്കോടതി സ്ഥിരം ജഡ്ജിയായി നിയമിക്കപ്പെട്ടു. 2007 ഏപ്രിൽ മുതൽ പഞ്ചാബ്, ഹരിയാണ ഹൈക്കോടതികളിൽ സേവനം അനുഷ്ഠിച്ചു. 2007 ആഗസ്ത് 21 ന് സുപ്രീംകോടതി ജഡ്ജിയായി നിയമിതനായി.

• പ്രതിപക്ഷ നേതാവ് വി.എസ്. അച്യുതാനന്ദന്റെ ഹർജി പരിഗണിച്ച് ഇടമലയാർ കേസിൽ ആർ. ബാലകൃഷ്ണപിള്ള അടക്കമുള്ളവർക്കു ശിക്ഷ വിധിച്ചു.
• 1993ലെ മുംബൈ സ്ഫോടന കേസിലെ വിധി
• ജെസീക്ക ലാൽ കൊലക്കേസ്