നോവലിസ്റ്റ്, കഥാകാരൻ എന്നീ നിലകളിൽ പ്രശസ്തനായ ഒരു മലയാളം സാഹിത്യകാരനായിരുന്നു നാഗവള്ളി ആർ.
ശ്രീധരക്കുറുപ്പ് എന്ന നാഗവള്ളി ആർ.എസ്. കുറുപ്പ് . ചലച്ചിത്രനടൻ, പിന്നണിപ്രവർത്തകൻ എന്നീ നിലകളിലും ഇദ്ദേഹം ശ്രദ്ധേയനായിരുന്നു. പ്രമുഖ ചലച്ചിത്രനടനായിരുന്ന വേണു നാഗവളളി ഇദ്ദേഹത്തിന്റെ പുത്രനാണ്.
നാഗവള്ളി ആർ.എസ്. കുറുപ്പ് | |
---|---|
ജനനം | 1917 |
മരണം | 2003 ഡിസംബർ 27 |
പങ്കാളി | എൻ.രാജമ്മ |
കുട്ടികൾ | നടൻ വേണു നാഗവളളി അടക്കം 4 മക്കൾ |
രാമക്കുറുപ്പിന്റെയും കുട്ടിയമ്മയുടെയും മകനായി 1917-ൽ ആലപ്പുഴ ജില്ലയിലെ കുട്ടനാട്ടിൽ ജനിച്ചു. 1937-ൽ ബി.എ.ബിരുദം നേടി. ആദ്യം ഇന്ത്യൻ ബാങ്കിൽ ഉദ്യോഗസ്ഥനായി ജോലിയിൽ പ്രവേശിച്ചു. പിന്നീട് ആലപ്പുഴ എസ്.ഡി. വിദ്യാലയത്തിൽ അധ്യാപകനും, എസ്.ഡി.കോളേജിൽ മനഃശാസ്ത്ര വിഭാഗം ലക്ചററും ആയി ജോലി നോക്കി. 1956-ൽ ആകാശവാണി തിരുവനന്തപുരം നിലയത്തിൽ ജോലിയിൽ പ്രവേശിച്ചു. 1977-ൽ വിരമിച്ചു. ശശിധരൻ, ചന്ദ്രിക, ന്യൂസ്പേപ്പർബോയ് എന്നീ ചിത്രങ്ങളിൽ അഭിനയിച്ചിട്ടുണ്ട്.രണ്ടുജന്മം എന്ന ഒരു ചിത്രം സംവിധാനം ചെയ്തിട്ടുമുണ്ട്. 2003 ഡിസംബർ 27-ന് അന്തരിച്ചു.
എൻ.രാജമ്മയാണ് ഭാര്യ. വേണു നാഗവളളി അടക്കം 4 മക്കൾ.
നാടകങ്ങളും ലേഖനങ്ങളുമായി 27-ൽ പരം പുസ്തകങ്ങളുടെ കർത്താവാണിദ്ദേഹം. അനേകം ചിത്രങ്ങൾക്കു വേണ്ടി കഥയും തിരക്കഥയും രചിച്ചിട്ടുണ്ട്.
സമഗ്രസംഭാവനയ്ക്കുള്ള 1997-ലെ കേരള സാഹിത്യ അക്കാദമി പുരസ്കാരം.
This article uses material from the Wikipedia മലയാളം article നാഗവള്ളി ആർ.എസ്. കുറുപ്പ്, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.