കരുവാറ്റ ചന്ദ്രൻ

മലയാളത്തിൽ ചിത്രകഥയ്ക്ക് തുടക്കമിട്ടത് ഇദ്ദേഹമാണ്. ആനുകാലികങ്ങളിൽ നിരവധി കാർട്ടൂണുകളും ചിത്രകഥാ സമാഹാരങ്ങളും കാർട്ടൂൺ കഥകളും ഇദ്ദേഹത്തിന്റേതായുണ്ട്.

ചിറയിൽ ഗോവിന്ദന്റെയും തങ്കമ്മയുടെയും മകനായി ആലപ്പുഴ ജില്ലയിലെ കരുവാറ്റയിൽ ജനിച്ചു. പുളിയാനം സർക്കാർ ഹൈസ്ക്കൂളിൽ അധ്യാപകനായിരുന്നു. നാറാണത്ത് ഭ്രാന്തന്റെ ഐതിഹ്യത്തെ അടിസ്ഥാനമാക്കി മനോരാജ്യം ആഴ്ചപ്പതിപ്പിൽ 25 വർഷം തുടർച്ചയായി അദ്ദേഹം ചിത്രകഥ പ്രസിദ്ധീകരിച്ചു. 1300 ലക്കങ്ങളിൽ ഇതുണ്ടായിരുന്നു. തുടർന്നും നിരവധി ചിത്രകഥകൾ പ്രസിദ്ധീകരിച്ചു. ദ്രോണർ എന്ന സിനിമയുടെ തിരക്കഥയും സംഭാഷണവും രചിച്ചു. കൃഷ്ണകുമാരിയാണ് ഭാര്യ. ഏകമകൻ ശരത്ചന്ദ്രൻ ആനിമേഷൻ എഞ്ചിനീയർ ആണ്. കാർത്തികപ്പള്ളി എസ്.എൻ.ഡി.പി. യൂണിയൻ ഹരിപ്പാട്ട് നടത്തിയ ശ്രീനാരായണ ജയന്തി സമ്മേളനത്തിനിടെ കുഴഞ്ഞുവീണ് ഇദ്ദേഹം മരിച്ചു.

• നാറാണത്ത് ഭ്രാന്തൻ കഥകൾ

• പാക്കനാർ
• വരരുചി
• അഗ്‌നിഹോത്രി

• നല്ല അധ്യാപകനുള്ള രാഷ്ട്രപതിയുടെ പുരസ്‌കാരം (1993)
• സംസ്ഥാന അധ്യാപക അവാർഡ് (1993)

• വെബ്സൈറ്റ് Archived 2016-03-06 at the Wayback Machine.
• പന്തിരുകുലത്തെ വരയിലൂടെ ആവാഹിച്ച കരുവാറ്റ ചന്ദ്രൻ Archived 2013-08-23 at the Wayback Machine.