ദക്ഷിണ ഇംഗ്ലണ്ടിലെ ക്രൈസ്തവസഭയുടെ സ്ഥാപകനായിരുന്നു വിശുദ്ധ അഗസ്റ്റിൻ.
കാന്റർബറിയിലെ ഒന്നാമത്തെ ആർച്ചുബിഷപ്പ് ആയിരുന്നതിനാൽ കാൻ്റർബറിയിലെ അഗസ്റ്റിൻ (ഇംഗ്ലീഷ്: Augustine of Canterbury) എന്ന് അറിയപ്പെടുന്നു. ഗ്രിഗറി I-ാമൻ മാർപ്പാപ്പയുടെ കീഴിൽ പ്രവർത്തിച്ചിരുന്ന ഇദ്ദേഹം 595-ലാണ് ഇംഗ്ളണ്ടിലെ ജനതയെ ക്രിസ്തുമതത്തിലേക്ക് പരിവർത്തനം ചെയ്യിക്കുന്നതിനുവേണ്ടി നിയുക്തനായത്. അതനുസരിച്ച് 40 അംഗങ്ങളടങ്ങിയ ഒരു മിഷനറിസംഘത്തോടൊപ്പം 597-ൽ ഇദ്ദേഹം ഇംഗ്ളണ്ടിലെ കെന്റിൽ എത്തി. ആദ്യം തന്നെ അന്നത്തെ രാജാവായിരുന്ന ഏതൽബർട്ടിനെ ക്രിസ്തുമതത്തിലേക്കു ചേർത്തു. ഒരു കൊല്ലത്തിനുള്ളിൽ അഗസ്റ്റിന് പതിനായിരത്തിൽപരം ആളുകളെ ക്രിസ്തുമതാനുയായികളാക്കുവാൻ സാധിച്ചു. തുടർന്ന് ഇദ്ദേഹം ചില ബിഷപ്പുമാരെ വാഴിക്കുകയും ഏതാനും ദേവാലയങ്ങൾ പണിയിക്കുകയും ചെയ്തു. രാജാവിന്റെ സഹകരണം ഉണ്ടായിരുന്നുവെങ്കിലും ഇംഗ്ളണ്ടിലെ മണ്ണിൽ ഇദ്ദേഹത്തിന്റെ പ്രവർത്തനങ്ങൾക്ക് വേരൂന്നുവാൻ കഴിഞ്ഞില്ല. ഇദ്ദേഹം പ്രവർത്തിച്ചിരുന്ന സ്ഥലങ്ങളിൽ പില്ക്കാലത്തു ക്രിസ്തുമതം നാമമാത്രമായിത്തീർന്നു. അഗസ്റ്റിന്റെ നിര്യാണം 604 മേയ് 26-ന് സംഭവിച്ചുവെന്നു വിശ്വസിക്കപ്പെടുന്നു.
വിശുദ്ധ അഗസ്റ്റിൻ | |
---|---|
കാന്റർബറിയിലെ ഒന്നാമത്തെ ആർച്ചുബിഷപ്പ് | |
അതിരൂപത | Diocese of Canterbury |
സ്ഥാനാരോഹണം | Unknown |
ഭരണം അവസാനിച്ചത് | 26 May 604 |
മുൻഗാമി | None |
പിൻഗാമി | Laurence of Canterbury |
മെത്രാഭിഷേകം | About 597 |
വ്യക്തി വിവരങ്ങൾ | |
ജനന നാമം | Augustine |
ജനനം | 6th century Rome, Italy |
മരണം | 604 മേയ് 26 Canterbury, Kent, England |
കബറിടം | Canterbury Cathedral |
വിശുദ്ധപദവി | |
തിരുനാൾ ദിനം | 26 May (Anglican Communion) 26 May (Eastern Orthodox) 27 May (Roman Catholic Church) 28 May (Roman Catholic calendar 1882–1969) |
വണങ്ങുന്നത് | Roman Catholic Church Anglican Communion Eastern Orthodox Church |
വിശുദ്ധപദവി പ്രഖ്യാപനം | Pre-Congregation |
വിശുദ്ധപദവി പ്രഖ്യാപിച്ചത് | Pre-Congregation |
തീർത്ഥാടനകേന്ദ്രം | St. Augustine's Abbey, Canterbury |
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ കാന്റർബറിയിലെ അഗസ്റ്റിൻ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |
This article uses material from the Wikipedia മലയാളം article കാന്റർബറിയിലെ അഗസ്റ്റിൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.