തേൻകരടി

നീണ്ട മുഖഭാഗം ,നീണ്ട കീഴ്ച്ചിറി,പരുപരുത്ത നീളമുള്ള മുടി,കുറിയ പിൻകാലുകൾ, ചെറിയ കണ്ണുകൾ എന്നിവയാണ് ഇവയ്ക്കുള്ളത്. നഖങ്ങൾക്ക് നല്ല വെള്ളനിറമാണ്. ശരീരത്തിൻറെ മൊത്തം നീളം : 140 - 170 സെ. മീ. തൂക്കം : 65 - 145 കിലോ.

ഇലപൊഴിയും വനങ്ങൾ, കുറ്റിക്കാടുകൾ, പുൽമേട്

 

പകൽ ഗുഹകളിൽ വിശ്രമിച്ച് സന്ധ്യയോടെ ഇവ ഇര തേടാനിറങ്ങുന്നു.ഫലങ്ങളും ഷഡ്പദങ്ങളും,ചിതലുകളേയും ആഹാരമാക്കുന്ന ഈ കരടി മരത്തിൽ കയറി വൻതേനും, പനയിൽ കയറി മദ്യവും കുടിയ്ക്കാറുണ്ട്. ഉളിപ്പലുകളില്ലാത്തതിനാൽ ആ വിടവിലൂടെ ചിതലുകളെയും ഉറുമ്പുകളെയും വലിച്ചെടുക്കാൻ ഇവക്കു കഴിയും. ചിതൽപ്പുറ്റുകൾ പൊട്ടിക്കാൻ ഇവ നീണ്ട നഖങ്ങൾ ഉപയോഗിക്കുന്നു.പഴകിയ മാംസം ഭക്ഷിയ്ക്കാറുള്ള അലസൻ കരടിയ്ക്ക് കരിമ്പിൻ നീരും ഇഷ്ടമുള്ള ഭക്ഷണവസ്തുവാണ് .

നീണ്ട മുഖവും ആടിയാടിയുള്ള നടത്തവുമുള്ള സ്ഥൂലരോമാവൃതമായ ഈ മൃഗം ആക്രണമത്തിനു മുതിർന്നാൽ അപകടകാരിയാണ്. കാഴ്ച കുറവുള്ള ഇവ ഭയപ്പെട്ടാൽ പിൻകാലുകളിൽ ഉയർന്നുനിന്നു കടിക്കുകയോ മാന്തുകയോ ചെയ്യും.

ഗർഭകാലം 7 മാസവും, ആയുസ്സ് ശരാശരി 45 വർഷവും ആണ്. കുഞ്ഞുങ്ങൾ അമ്മയുടെ മുതുകിലേറി സഞ്ചരിയ്ക്കുന്നു.

ജൂൺ - ജൂലായ് മാസങ്ങളിലാണ് തേൻകരടികൾ ഇണചേരുന്നത്. ഡിസംബർ-ജനുവരി മാസങ്ങളിൽ ഒന്നോ രണ്ടോ കുഞ്ഞുങ്ങളെ പ്രസവിക്കുന്നു. ഗർഭകാലം ഏഴുമാസമാണ്. പെൺകരടി കുഞ്ഞുങ്ങളെ പുറത്തേറ്റി നടക്കും. 2 - 3 വർഷം വരെ കുഞ്ഞുങ്ങൾ അമ്മയോടൊപ്പം കഴിയുന്നു. തേൻകരടിക്ക് 40 വയസ്സു വരെ ആയുസ്സുള്ളതായി കണ്ടെത്തിയിട്ടുണ്ട്.

• കേരളത്തിലെ സസ്തനികൾ
• ജാംബവാൻ