എനിയ

ഇവരുടെ ആർ ഐ എ എ സാക്ഷ്യപത്രമുള്ള 2.65 കോടി  ആൽബം [[[അമേരിക്ക]]യിൽ വിറ്റഴിക്കപ്പെട്ടിട്ടുണ്ട്. ലോകത്തെ ഏറ്റവും വിലപനയുള്ള കലാകാരികളിൽ ഒരുവളായ എനിയയുടെ 7.5 കോടി ആൽബം ലോകമെമ്പാടുമായി വിറ്റിട്ടുണ്ടെന്നാണു് ഏകദേശകണക്ക്. അയർലണ്ടിൽ ഏറ്റവും വില്പനയുള്ള പാട്ടുകാരിയും എനിയയാണു്, .

1980 ൽ ഐറിഷ് ബാൻഡായ ക്ലാന്നാഡിലൂടെയാണു് സംഗീതജീവിതം ആരംഭിക്കുന്നത്. അവരുടെ രണ്ട് ആൽബങ്ങൾക്കു വേണ്ടി പ്രവർത്തിച്ചതിനു ശേഷം 1982ൽ അവർ ക്ലന്നാഡ് വിട്ടു. തുടർന്ന് തനിയേയുള്ള പ്രകടനത്തിലായിരുന്നു ശ്രദ്ധ. ബിബിസിയുടെ ഡോക്കുമെന്ററിയായ ദ സെൽട്സിനു വേണ്ടി തയ്യാറക്കിയ അവരുടെ ആദ്യ ആൽബമായ എന്യയിൽ നാട്ടുലയങ്ങളിലൂടേയും കീബോർഡുകളിലൂടേയും ശബ്ദ പാളികളിലൂടേയും തനതായ ശബ്ദഭംഗിക്ക് അവർ രൂപം നൽകി.  . അവരുടെ അടുത്ത ആൽബം 1988ൽ ഇറങ്ങിയ വാട്ടർമാർക് എന്ന ആൽബത്തിലെ പ്രധാന ഗാന ഒറിണൊകോ ഫ്ലോ എന്ന ഗാനം 10 രാജ്യങ്ങളിൽ ആദ്യത്തെ പത്തു ഹിറ്റു പാട്ടുകളുടെ പട്ടികയിൽ ഇടം പിടിച്ചു, ഇത് മൂലം അവരുടെ പ്രശസ്തി ലോകമെമ്പാടും പരന്നു.തുടർന്ന് ഷെപ്പേർഡ് മൂൺസ് (1991), മരങ്ങളുടെ ഓർമ്മ (1995) മഴയില്ലാത്തദിനം (2000) എന്നിവ വൻ വിജയങ്ങൾ ആയിരുന്നു. 2005 ൽ അമരന്റൈനും 2008ലെ  വിന്റർ കെയിം എന്നിവയ്ക്കുശേഷം, 2012ലെ ഡാർക് സ്കൈ ഐലൻഡ് വരെ, എനിയ സംഗീതത്തിൽനിന്നും ഒരു നീണ്ട അവധി എടുത്തു.

സംഗീത പര്യടനം നടത്തിയിട്ടില്ലെങ്കിലും, ഇവർ 10 ഭാഷകളിൽ പാടിയിട്ടുണ്ട്. മാത്രവുമല്ല ന്യൂ ഏജ് പട്ടികയുൾപ്പെടെ നിരവധി ലോകോത്തര പട്ടികകളിലെ സ്ഥിരം സാന്നിദ്ധ്യമായിരുന്നു ഇവർ.  മഴയില്ലാത്ത ദിനം എന്ന ആൽബം, 1.6 കോടികളുടെ വില്പനയുമായി, ന്യൂ ഏജ് എന്ന ജെൻറെയിൽ (genre) ഏറ്റവുമധികം വില്പനയുണ്ടായ ആൽബമാണു്. 1993 നും 2007 നു ഇടയിൽ എനിയയ്ക് നാലു ഗ്രാമി പുരസ്കാര ങ്ങൾ ലഭിച്ചിട്ടുണ്ട്. കൂടാതെ 2001; ഏറ്റവും വില്പനയുള്ള  വനിതാകലാകാരിക്കുള്ള ലോക സംഗീത പുരസ്കാരവും ലഭിച്ചിട്ടുണ്ട്.  2001ൽ റിക്കാർഡ് ചെയ്ത മേ ഇറ്റ് ബി എന്ന ഗാനം ദ ലോർഡ് ഓഫ് ദ റിങ്സ്: ദ ഫെലോഷിപ്പ് ഓഫ് ദ റിങ് എന്ന സിനിമയിൽ ഉൾപ്പെടുത്തി.  ഈ ഗാനത്തിനു് അക്കാദമി അവാർഡും, ഗോൾഡൻ ഗ്ലോബ് പുരസ്കാരത്തിനുള്ള നാമനിർദ്ദേശവും ലഭിച്ചു   .