Милко Бојковски (Куманово, 1985) — македонски писател.
Бојковски е роден во Куманово, во 1985 година. Дипломирал општа и компаративна книжевност на Филилошкиот факултет „Блаже Конески“ во Скопје.
Бојковски пишува поезија и кратки раскази. Неговите творби повремено се објавувани во е-списанието „Електролит“, на српската интернет-страница за поезија „Поезин“, како и во Балканскиот книжевен гласник. Автор е на поетските книги „Загубениот Париз“ (2012) и „Хиени во градот“ (2019), а во 2017 година ја објавил збирката раскази „Фотографии од пеколот“. Во прозните дела најчесто обработува проблеми од животот на младите луѓе во градските средини, а често пишува и за неговото отуѓување од материјалниот свет. Неговиот книжевен јазик и стилот се блиски до постмодернизмот.
Три негови кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).
This article uses material from the Wikipedia Македонски article Милко Бојковски, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.