Метар Во Секунда На Квадрат: единица за забрзување изведена од SI

Формално симболот се претставува во неколку облици: м/с², m·s⁻² или m s⁻².

Самото забрзување физички се толкува како промена во брзината по единица време, т.е. „метри во секунда во секунда“.

Еден предмет постојано забрзува со еден метар во секунда на квадрат (1 м/с²) од мирување, кога ќе достигне брзина од 5 м/с по 5 секунди и 10 м/с по 10 секунди.

Вториот Њутнов закон вели дека силата е еднаква на масата помножена со забрзувањето. Единица за сила е њутнот (N), а единица за маса е килограмот (kg). Еден њутн е еднаков на килограм-метар во секунда на квадрат. Затоа, единицата метар во секунда на квадрат е исоветна со њутнот по килограм (N·kg⁻¹, N/kg)

Земјината тежа има забрзување од 9,8 m/s² или 9,8 N/kg.

Забрзувањето може да се изрази и во однос на гравитацијата, како кај Земјиното забрзување (слободен пад) и најголемото површинско забрзување кај земјотресите.