Bon Iver: американска инди-фолк-група

Вернон ја основал Bon Iver како соло-проект на почетокот, но подоцна станала група составена од: Вернон (вокал, гитара), Шон Кери (тапани, клавијатури, вокал), Мајкл Луис (вокал, баритон-гитара, гитара, виолина, саксофон), Метју Мекоган (тапани, бас, вокал), Ендрју Фицпатрик (гитара, клавијатури, вокал) и Џен Васнер (гитара, клавијатури, вокал).

Bon Iver
Bon Iver настапува во Стокхолм во 2011 година
Животописни податоци
Потекло	Висконсин, САД
Жанрови	Инди-фолк инди-поп инди-рок експериментален поп софт-рок фолкотроника
Период на активност	2006–денес
Издавачи	Jagjaguwar 4AD
Соработници	DeYarmond Edison Тејлор Свифт Volcano Choir GAYNGS The Shouting Matches Megafaun Џејсон Фидерс Џејмс Блејк Wye Oak Бек Zackary Mahlon Lester Кање Вест
Мреж. место	boniver.org

Вернон независно го издал првиот албум на Bon Iver, For Emma, Forever Ago, во јули 2007 година. Во 2012 година, групата добила Греми награда за најдобар алтернативен музички албум за нивниот истоимен албум, Bon Iver. Во 2016 година го објавиле нивниот трет албум 22, A Million, кој бил пофален од критичарите. Нивниот последен албум, I, I, бил објавен во 2019 година. Во 2020 година албумот бил номиниран од Греми наградите за албум на годината.

Името „Bon Iver“ потекнува од француските зборови bon hiver („добра зима“), а било преземено од американската тв-серија „Живот на север“ (Northern Exposure).

Тековен состав

• Џастин Вернон – вокал, синтисајзер, гитара (2006-денес)
• Шон Кери – тапани, клавијатури, вокал (2007-денес)
• Метју Мекоган – тапани, вокал (2007-денес)
• Ендрју Фицпатрик – гитара, клавијатури, семплери, вокал (2015-сега)
• Мајк Луис – вокал, саксофон, бас, синт-бас (2011-сега)
• Џен Васнер – гитара, клавијатури, вокал (2019-сега)

• For Emma, Forever Ago (2007)
• Bon Iver (2011)
• 22, A Million (2016)
• I, I (2019)