Честево или Честово — раселено село во Општина Валандово, во областа Бојмија, во околината на градот Валандово.
Честево Честово | |
Остатоци од куќи во некогашното село Честево | |
Честево на карта | |
Координати 41°17′39″N 22°34′23″E / 41.29417° СГШ; 22.57306° ИГД | |
Регион | Југоисточен |
Општина | Валандово |
Област | Бојмија |
Население | 0 жит. (поп. 2021)
|
Повик. бр. | 034 |
Шифра на КО | 04022 |
Надм. вис. | 140 м |
Честево на општинската карта Атарот на Честево во рамките на општината | |
Честево на Ризницата |
Денес, на местото на некогашното село одвај и да се видливи остатоци од некои од куќите во селото.
Селото се наоѓало во јужниот дел на територијата на Општина Валандово, јужно од градот Валандово, оддалечено од него на околу 2 километри. Се наоѓало на левиот брег на Анска Река, сместено на надморска височина од 140 метри.
До некогашното село води земјен пат, кој се издвојува од регионалниот пат 1105.
За време на отоманскиот период селото било познато под името Тестово.
Атарот на селото е мал и зафаќа површина од само 2,2 км2.
|
| |||||||||||||||||||||||||||||||||
Според податоците од 1873 година во „Етнографија на вилаетите Адријанопол, Монастир и Салоника“, селото имало 90 домаќинства со 263 жители, од кои 26 муслимани и 237 христијани.
Според статистиката на Васил К’нчов („Македонија, Етнографија и статистика“) од 1900 година, во Честево живееле 309 жители, од кои 230 Македонци христијани, 65 Турци и 14 Роми. Според податоците на егзархискиот секретар Димитар Мишев („La Macédoine et sa Population Chrétienne“) во 1905 година во Честево имало 23 Роми, што значи дека македонското население, кое било огромно мнозинство, го напуштило селото во текот на претходните пет години.
Според Димитар Гаџанов во 1916 година во Чештово (Чещово) живееле 60 Роми муслимани.
Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Македонци.
Честево било наполно напуштено во 1961 г. кога последните 12 жители (сите Турци) заминале во Турција, но денес го задржало статусот на село.
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 309 | 23 | 48 | 55 | 12 | 0 | 0 | 0 | 0 | 0 | 0 |
На крајот од XIX век, Честево било мешано македонско-турско село во Дојранската Каза на Отоманското Царство.
Селото влегува во рамките на Општина Валандово, една од малкуте општини кои не биле изменети со новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Валандово.
Во периодот 1955-1996 година, селото се наоѓало во рамките на големата Општина Валандово.
Во периодот 1952-1955, селото било дел од тогашната Валандовска градска општина, во која покрај селото Честево се наоѓале градот Валандово и селата Балинци, Брајковци, Грчиште, Марвинци, Пирава и Раброво. Во периодот 1950-1952, селото било дел од некогашната градска општина Валандово, во која влегувале градот Валандово и селата Дедели, Раброво и Честово.
Селото е опфатено во избирачкото место бр. 0283 според Државната изборна комисија, сместено во просториите на културниот центар „25 Мај“ на град Валандово.
На претседателските избори во 2019 година, на ова избирачко место биле запишани вкупно 581 гласач.
This article uses material from the Wikipedia Македонски article Честево, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.