Христо Силјанов (24 мај 1880 - 26 септември 1939) — македонски револуционер, историчар и деец на ВМОРО.
Бил истакнат новинар и публицист во Бугарија.
Христо Силјанов | ||
Роден | 24 мај 1880 Истанбул, Отоманско Царство | |
---|---|---|
Починал | 26 септември 1939 Софија, Бугарија |
Роден во Цариград, во семејството на Иван Силјанов од Охрид. Учел во Цариград и Солун, а потоа во гимназијата во Битола, во која како ученик се зачленил во ВМОРО. По завршувањето бил учител во Прилеп, каде во периодот 1899 до 1900 г. бил член на обласниот револуционерен комитет. По 1900 г. бил егзархиски учител во Лерин, а од 1902 влегол во редовите на илегалните револуционерни чети под водството на Марко Лерински. Ги познавал Гоце Делчев, Даме Груев и сите големи револуционери. Во 1903 г. учествувал во Преображенското востание во Одринска Тракија. По востанието завршил историски науки во Софискиот универзитет и специјализирал во Швајцарија. За време на Балканските војни се вратил во Македонија како комита во реонот на Костур.
По Првата светска војна се иселил во Софија, каде бил еминентен новинар и публицист, член на Друштвото на бугарските новинари, а исто така член и подоцна потпретседател на Македонскиот научен институт. Неговите наjзначаjни дела како историчар се книгите посветени на македонското револуционерно движење. Напишал високо ценето истражување „Ослободителните борби на Македонија“ по барање на Илинденската организација во Софија. Првиот том излегол во 1933 г., а вториот четири години по неговата смрт, во 1943 година.
Татко е на познатиот дипломат и новинар во Бугарија Евгениј Силјанов (1907-1997).
This article uses material from the Wikipedia Македонски article Христо Силјанов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.