Филхармониска Сала Елба

Концертната сала е проектирана од Herzog & de Meuron на местото на едно старо складиште („Kaispeicher A“). Ќе биде највисоката населена зграда во Хамбург, со височина од 110 метри.

Филхармониска сала Елба Elbphilharmonie Hamburg
Филхармониската сала Елба во 2013
Град	Хамбург
Земја	Германија
Архитект	Herzog & de Meuron
Тип	Концертна сала
Отворен	Планирана за 2017
Тековна употреба	во изградба
www.elbphilharmonie.de

На 2 април 2007, Првиот градоначалник на Хамбург Оле фон Бојст, Хенер Малштет, Hochtief Construction AG, проектниот координатор Хартмут Вегенер, министерот за култура на Хамбург Карин фон Велк и архитектот Пјер де Мерон го поставиле камен-темелникот во складиштето Kaispeicher A. Во 2007, изградбата требало да биде завршена во 2010 со проценети трошоци на 241 милион евра.

Во ноември 2008, се изменил првичниот договор, па така трошоците на проектот сега биле проценети на 450 милиони евра.

Во август 2012, трошоците повторно биле препроценети и сега се очекувало да бидат над 500 милиони евра, што требало да ги покријат трошоците за зајакнување на кровната конструкција. Датумот на завршување бил поместен во летото 2015, како најрано очекуван.

Моментално се очекува градежните работи да завршат во октомври 2016, а најраниот датум на отворање се предвидува да биде пролетта во 2017.

Источниот дел од градбата ќе биде наменет за хотелот „Westin Hamburg“, кој се очекува да се отвори во 2014. Горните катови западно од концертната сала ќе се наменат за апартмани.

• 
  Поглед на Хафен Сити во 2010
• 
  Филхармониската сала во 2011
• 
  Градежните работи во 2015