Универзитетот Браун (англиски: Brown University) е седма најстара високообразовна институција во Сооединетите Американски Држави.
Тој е основан во 1764 година како Колеџ во англиската колонија Род Ајленд и Провиденските Плантажи (англиски: College in the English Colony of Rhode Island and Providence Plantations), а сегашното име го добива во 1804 година во чест на Николас Браун Џуниор.
Браун се наоѓа во главниот град на државата Род Ајленд, Провиденс и е еден од осумте членови на елитната Бршленова лига. Овој универзитет се концентрира на квалитетни додипломски студии, но исто така вложува и во постдипломски програми. Па, покрај Колеџот во кој учат сите додипломци, останатите училишта во склоп на универзитетот ги вклучуваат и Алперт Ворен медицинското училиште, Училиштето за инженерство, Училиштето за јавно здравје и Училиштето за постдипломски студии.
Моментално на универзитетот Браун студираат 8540 студенти, од кои 6133 се додипломци. Наставничкиот кадар вклучува повеќе од 710 редовни членови, меѓу кои и еден Нобеловец, професорот Леон Купер. Ректорската функција ја извршува професорот по економија и јавна политика, Кристина Хал Паксон.
This article uses material from the Wikipedia Македонски article Универзитет Браун, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.