Табановце или Табановци — село во Општина Куманово, во околината на градот Куманово.
Табановце | |
Табановце на карта | |
Координати 42°12′52″N 21°42′29″E / 42.21444° СГШ; 21.70806° ИГД | |
Регион | Североисточен |
Општина | Куманово |
Население | 817 жит. (поп. 2021)
|
Шифра на КО | 17101 |
Табановце на општинската карта Атарот на Табановце во рамките на општината | |
Табановце на Ризницата |
Табановце се наоѓа во областа Жеглигово, на границата помеѓу Србија и Македонија (граничен премин Табановце) и е оддалечено 8 км од Куманово.
Подрачјето на Табановце е населено уште од римско време, за што сведочат наоѓалиштата Бежине и Падалиште во неговиот атар.
Селото има развиено стопанство. Населението се занимава со земјоделство и сточарство.
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Табановце живееле 500 жители, сите Македонци. Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Табановце имало 480 Македонци, патријаршисти.
Според германска карта издадена во 1941 година, а заснована на пописот на Кралство Југославија во 1931 година, селото имало 750 Македонци.
Според пописот од 2002 година, во селото живеат 910 жители, од кои: 205 Македонци, 177 Албанци, 516 Срби и 12 останати.
Според последниот попис од 2021 година, во селото живееле 817 жители, од кои 241 Македонец, 211 Албанци, 294 Срби, 4 останати и 67 лица без податоци.
На табелата е прикажан националниот состав на населението низ сите пописни години:
Година | Македонци | Албанци | Турци | Роми | Власи | Срби | Бошњаци | Ост. | б.п. | Вкупно |
---|---|---|---|---|---|---|---|---|---|---|
1948 | — | — | — | — | — | — | — | — | — | 1.109 |
1953 | 90 | — | 1 | 53 | — | 1.110 | ... | 11 | — | 1.265 |
1961 | 78 | — | 1 | ... | ... | 1.159 | ... | 21 | — | 1.259 |
1971 | 118 | 126 | 1 | 1 | ... | 935 | ... | 13 | — | 1.194 |
1981 | 148 | 250 | — | — | — | 736 | ... | 30 | — | 1.164 |
1991 | 153 | — | — | — | — | 610 | ... | 9 | — | 772 |
1994 | 148 | 174 | — | — | — | 533 | — | 10 | — | 885 |
2002 | 205 | 177 | — | — | — | 516 | — | 12 | — | 910 |
2021 | 241 | 211 | — | — | — | 294 | — | 4 | 67 | 817 |
Православни родови во селото Табановце се: Бузинци (23 к.) они се најстар табановачки род; Заќевци (20 к.) доселени се од денес албанското село Зајас, Кичевско, доселени се околу 1800 година; Мицини (20 к.) доселени се од некое село во Битолско; во маалата Чифлак (36 к.) и Сланиште (35 к.) живеат доселеници од Горна Пчиња и Кривопаланечко; Киселчани (9 к.); Старчани (9 к.) доселени се околу 1920 година од селото Старац кај Врање; Колонисти (10 к.) доселени се како колонисти од Србија и Лика; Пироќанци (15 к.) доселени се од околината на Пирот.
Муслимански родови: муслиманските Албанци во селото се населени од околу 1962 година, кога српските колонисти почнале да се иселуваат во Смедерево, муслиманското население е доселено од околината на Гнилане (13 к.).
Родови иселени од Табановце има во Карабичане (Црвенковци и Басмарци), Режановце (Кокошињаци), Опае (Армутовци), Долно Коњаре (Петруш), Горно Коњари (Пешеви). Од 1945 година, па натака населението почнало помасовно да се иселува низ градовите.
This article uses material from the Wikipedia Македонски article Табановце, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.