Род Стјуарт

Со својот препознатлив рапав глас, Стјуарт со продадени над 250 милиони плочи ширум светот е меѓу музичарите со најголема заработка на сите времиња. Имал 10 албуми на прво место и 31 топ десет синглови во ОК, од кои шест се искачиле на прво место. Во САД, Стјуарт има 16 топ 10 синглови, а четири се искачиле на прво место на Billboard Hot 100. Бил прогласен за витез во 2016 година за наговата работа поврзана со музиката и добротворните цели.

Сер Род Стјуарт
Стјуарт настапува во Минеаполис август 2014
Роден(а)	Родерик Дејвид Стјуарт 10 јануари 1945(1945-01-10) (79 г.) Хајгејт, Лондон, Англија
Други имиња	Rod the Mod
Занимање	Singer songwriter record producer musician
Активен период	1961–денес
Сопружник	Алана Колинс (в. 1979; раз. 1984) Рејчел Хантер (в. 1990; раз. 2006) Пени Ланкастер (в. 2007)
Деца	8

Во 2008 година, списанието Билборд го рангирал на 17-то место на листата „100 најдобри уметници на сите времиња од Билборд“. Добитник е на Греми и Брит награди, на листата од Q Magazine „Топ 100 најдобри пејачи на сите времиња“ се наоѓа на 33 место. Како соло изведувач, во 1994 година Стјуарт бил примен во американската Куќата на Славните на Рокенролот, во Куќата на славните музичари од Обединетото Кралство во 2006 година, а уште една бил примен во американската Куќа на славните од Рокенролот во 2012 година како член на Faces.

Родерик Дејвид Стјуарт е роден во Лондон на 10 јануари 1945 година, како најмало од петте деца на неговите родители. Татко му бил Шкотланѓанец, а мајка му Англичанка и детството го поминал во Северен Лондон.

Стјуарт го напуштил училиштето на 15-годишна возраст и кратко работел како ситопечатар. Татко му го поддржувал во неговата амбиција била да стане професионален фудбалер, и летото 1960 година бил на проба во Брентфорд кој тогаш се натпреварувал во третата лига. Род Стјуарт во својата автобиографија од 2012 година наведува дека никогаш не потпишал за клубот и дека клубот не го повикал по пробата. Сепак, во врска со можните опции за кариера, Стјуарт заклучил: „Па, животот на музичарот е многу полесен и јас можам да се опијам и да правам музика, а не можам да го правам тоа и да играм фудбал. Се определив за музика. . . Тие всушност се единствените две работи што знам да ги правам: да играм фудбал и да пеам.“

Род Стјуарт музичката кариера ја започнал во 1962 година кога како баскер свирел хармоника. Во 1963 година, се приклучил на музичката група The Dimensions како вокал, а бил член и на All Stars (1964-1967), групата на Џеф Бек (1967-1969), и Faces (1969-1975). Во 1969 започнал и соло кариера; истата година го објавил својот деби албум. Првите албуми на Стјуарт биле спој на рок, фолк, соул и ритам и блуз. Со својот трет албум, Every Picture Tells a Story (1971), се пробил на врвот од топ листите во ОК, САД, Канада и Австралија, а особено успешна била баладата „Меги Меј“. Следниот албум, Never a Dull Moment (1972), исто така се искачил првото место во Обединетото Кралство и Австралија.

Во 1975 музичката група Faces се распаднала. Род Стјуарт во следните години имал неколку хит балади како „Sailing“, од албумот Atlantic Crossing. A Night on the Town (1976) бил неговиот петти последователен албум кој се искачил на врвот од топ листите во Обединетото Кралство, а од тој албум многу добро поминала песната „Tonight's the Night (Gonna Be Alright)“ која поминала речиси два месеци на првото место во САД и Канада. Foot Loose & Fancy Free (1977) го имал хитот „You're in My Heart (The Final Acclaim) “.

 

• Брит награда за исклучителен придонес во музиката, 1993 година.
• Ја добил наградата Легенда на Светските музички награди, 1993 година.
• Примен во Куќата на славните на рокенролот, 1994 година (како соло уметник. )
• Бил добитник на првата воопшто Дијамантска награда од Светските музички награди за над 100 милиони продадени плочи ширум светот, 2001 година.
• Греми награда за најдобар традиционален поп албум, 2005 година, Stardust ... The Great American Songbook Volume III.
• На 11 октомври 2005 година, Стјуарт добил ѕвезда на Булеварот на славните во Холивуд за неговиот придонес во музичката индустрија.
• Примен во Куќата на славните музичари од Обединетото Кралство, 2006 година.
• Му бил доделен Орден на Британската Империја на Новогодишните почести во 2007 година.
• Назначен за витез на прославата во чест на роденденот на кралицата во 2016 година .
• Ја добил наградата за основачи од ASCAP во 2011 година.
• Примен во Куќата на славните на рокенролот, 2012 година (како член на Faces).
• До денес, Стјуарт има добиено седум номинации за канадската награда Џуно.
• Златна Европа 1991 година за најдобар интернационален пејач
• Ivor Novello Awards 1999 Награда за животно дело

Во текот на својата кариера, Род Стјуарт бил член на многу групи:

• Jimmy Powell and the Five Dimensions (1963)
• The Hoochie Coochie Men (1964–1965)
• Steampacket (1965–1966)
• Soul Agents (1965–1966)
• Shotgun Express (1966-1967)
• The Jeff Beck Group (1967–1969)
• Faces (1969–1975)

Студиски албуми

• An Old Raincoat Won't Ever Let You Down (1969)
• Gasoline Alley (1970)
• Every Picture Tells a Story (1971)
• Never a Dull Moment (1972)
• Smiler (1974)
• Atlantic Crossing (1975)
• A Night on the Town (1976)
• Foot Loose & Fancy Free (1977)
• Blondes Have More Fun (1978)
• Foolish Behaviour (1980)
• Tonight I'm Yours (1981)
• Body Wishes (1983)
• Camouflage (1984)
• Every Beat of My Heart (1986)
• Out of Order (1988)
• Vagabond Heart (1991)
• A Spanner in the Works (1995)
• When We Were the New Boys (1998)
• Human (2001)
• It Had to Be You: The Great American Songbook (2002)
• As Time Goes By: The Great American Songbook, Volume II (2003)
• Stardust: The Great American Songbook, Volume III (2004)
• Thanks for the Memory: The Great American Songbook, Volume IV (2005)
• Still the Same... Great Rock Classics of Our Time (2006)
• Soulbook (2009)
• Once in a Blue Moon: The Lost Album (2010)
• Fly Me to the Moon... The Great American Songbook Volume V (2010)
• Merry Christmas, Baby (2012)
• Time (2013)
• Another Country (2015)
• Blood Red Roses (2018)
• The Tears of Hercules (2021)