Педро Пичардо

Тој бил светски јуниорски шампион во својата дисциплина во 2012, а на Светското првенство 2013 го освоил сребрениот медал. Тој исто така бил „сребрен“ на Светското првенство 2015.

Педро Пабло Пичардо

Пичардо на митингот во Доха во 2015
Лични податоци
Роден(а)	30 јуни 1993(1993-06-30) (30 г.) Сантјаго де Куба, Куба
Висина	&100000000000001850000001,85 м
Тежина	71 kg (157 lb)
Спорт
Земја	Куба
Спорт	Атлетика
Дисциплини	Трискок
Успеси и титули
Лични рекорди	трискок: 18.08 м (2015)
Освоени медали Светски првенства 2013 Москва трискок 2015 Пекинг трискок Светски првенства во сала 2014 Сопот трискок Панамерикански игри 2015 Торонто трискок Светски јуниорски првенства 2012 Барселона трискок Јуниорски првенства на Средна Америка 2012 Сан Салвадор трискок

Неговиот скок од 17.76 метри бил најдобар скок во 2014 година. Во 2015 тој прескокнал 18.08 метри со што остварил трети најдобар резултат на сите времиња и најдобар резултат по 1996 година.

Првиот медал во кариерата на меѓународни првенства, Пичардо го освоил на јуниорското првенство на Средна Америка во 2012, каде со прескокнати 16.40 метри успеал да го освои златниот медал. Две недели подоцна, на светското јуниорско првенство во Барселона, кубанецот станал светски јуниорски шампион откако успеал да прескокне 16.79 метри.

Во февруари 2013, Пичардо за првпат ја прескокнал границата од 17 метри, прескокнувајќи 17.16 метри во Хавана. На почетокот на јуни, повторно во Хавана, тој го поставил најдобриот светски резултат дотогаш во годината откако успеал да прескокне 17.69 метри. На Светското првенство 2013 во Москва, Пичардо прескокнал 17.68 метри кои биле доволни за сребрениот медал зад Теди Тамго кој го подобрил најдобриот резултат во годината на 18.04 метри.

Во 2014, тој го освоил бронзениот медал на Светското првенство во сала во Сопот, прескокнувајќи 17.24 метри во шестиот обид. Истата година тој го поставил најдобриот резултат во годината откако во Хавана прескокнал 17.76 метри.

На 8 мај 2015, во Хавана, Пичардо поставил нов кубански рекорд во трискок, прескокнувајќи 17.94 метри, со што го соборил 18. годишниот рекорд на Јоелби Кесада од 17.85 метри.. Една недела подоцна, на митингот од дијамандската лига во Доха, кубанецот за првпат во својата каериера ја прескокнал границата од 18 метри, прескокнувајќи 18.06 метри, со што повторно поставил нов кубански рекорд. Американецот Кристијан Тејлор завршил веднаш зад Пичардо со скокот од 18.04 метри, со што за првпат во историјата на дисциплината биле прескокнати два скока преку 18 метри на еден митинг.

На 28 мај 2015 во Хавана, Пичардо третпат во годината го подобрил кубанскиот рекорд во трискок прескокнувајќи 18.08 метри, резултат кој претставува трето најдобро остварување на сите времиња.