Торонто

Градот се наоѓа на северно-западниот брег на езерото Онтарио. Во Торонто живеаат 2.622.230 жители што го прави градот петти по големина во Северна Америка после Мексико, Њујорк, Лос Анџелес и Чикаго.

Торонто
Град Торонто
Знаме Грб Лого
Гесло: Различноста, наша сила
Интерактивна карта на Торонто
Држава	Канада
Покраини	Онтарио
Населен	1750; пред 273 години (1750)
Основан	27 август 1793; пред 230 години (1793-08-27) (како Јорк)
Управа
• Градоначалник	Џон Тори
Површина
• Град	630,20 км2 (24,330 ми2)
• Градска	1.792,99 км2 (69,228 ми2)
• Метро	5.905,71 км2 (228,021 ми2)
Надм. вис.	&1000000000000076500000076,5 м
Население (попис 2016)
• Град	2.731.571 (1st)
• Густина	4.334,4/км2 (112,260/ми2)
• Градскo	5,429,524
Часовен појас	EST (UTC−5)
• Лете (ЛСВ)	EDT (UTC−4)
Мреж. место	toronto.ca

Торонто е главен економски центар на Канада и светски град. Градот е особено развиен во областите на финансии, телекомуникации, транспорт, издавање, забава, развој на софтвер и медицинско истражување. Градот е дом на познатата КН Кула и многу национални и транснационални компании. Торонто е космополитски град и привлекува многу имигранти кои сочинуваат мозаик на култури и етнички групи од насекаде низ светот. Градот има ниска стапка на криминал, чиста средина за живеење и генерално гледано висок стандард за живеење. Според Известувачка Агенција на Економист, градот е еден од најдобрите градови за живеење во светот.

Торонто е срцето на областа Торонто, една од урбаните области со највисок раст во Северна Америка. Торонто е исто дел од Златната Потковица - густо населен регион во југоцентрален Онтарио каде живеаат осум милиони луѓе, или отприлика една четвртина од целокупното население на Канада.