Ново Маало (турски: Yeni Mahala или Çiftçi) — маало на градот Скопје.
Маалото започнувало источно од Градскиот Трговски Центар, па сѐ до Олимписки базен „Центар“. Веднаш до него било Влашкото Mаало, од западна страна и Маџир Mаало од источна. Денес е дел од општина Центар.
Маалото било едно од неколкуте коишто се наоѓале од десната страна на реката Вардар во тоа време. Ова маало се сметало за ново бидејќи градот Скопје претходно се наоѓал исклучиво на левата страна од реката Вардар. Во ова маало, живееле сиромашни, но и богати семејства, а едно од нив е семејството Икономови, сопственици на фабриката “Европа”. Тука биле најубавите бавчи во Скопје. Жителите живееле во мали новоизградени куќи, поради што ова маало се нарекувало и Ново маало. Маалото нагло се ширело, пред сé поради многубројните доселеници од селските предели на Скопска Блатија.
Според опширните османлиски дефтери за населението на Скопската Каза од 1832/33 година, маалото било христијанско, со 34 христијански домаќинства. На овој попис биле забележани 79 мажи христијани, со 4 новороденчиња. Исто така имало и 11 мажи христијани коишто тазе се доселиле со своите семејства во маалото. Се проценува дека маалото во тој период имало 188 жители.
Фамилијата Икономови живеела во голема куќа изградена во 1918 год., модерно уредена, со англиски клозети, водовод, струја и сл. Маалото прилично настрадало од скопскиот земјотрес во 1963 година, при што забрзано се урбанизира и најголем дел од куќите се срушени.
Денес површината на ова некогашно маало, практично се смета за строг центар на модерно Скопје. Од некогаш сиромашно земјоделски лик, низ историјата има претрпено ногу промени, особено по скопскиот земјотрес.
This article uses material from the Wikipedia Македонски article Ново Маало, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.