Марко Николиќ

Тој бил добитник на наградите „Павле Вуисиќ” и „Цар Константин“.

 

Марко Николиќ е роден во Кралево на 20 октомври 1946 година. За време на Втората светска војна, неговите родители живееле во Теслиќ, но по доаѓањето на усташите се преселиле во Краљево. Марко Николиќ порансал во Краљево, каде уште во детството го посетувал театарот. Неговата мајка Лепосава, исто така, била глумица, татко му бил шумарски инженер, а имал и постар брат. Во детството тренирал кошарка во клубот „Слога“ и на возраст од 17 години станал дел од сениорската екипа. Сепак, набргу го засакал театарот и решил да се занимава со глума. По завршувањето на основното училиште „Светозар Марковиќ“ и на средното училиште во Кралево, тој заминал на отслужување на воениот рок, а потоа одлучил да студира глума. Сепак, не успеал да го положи приемниот испит на Академијата за театар, филм, радио и телевизија во Белград и на Академијата на уметностите во Нови Сад, а дури по третиот обид станал студент на Академијата за театар, филм, радио и телевизија во Белград.
Таму, тој студирал заедно со Мики Манојловиќ, Предраг Ејдус, Драган Максимовиќ, и Горан Султановиќ, а дипломирал во 1972. година. Претходно, во 1970. година станал член на Народниот театар во Белград.

Николиќ бил трипати во брак и имал три деца, од кои ќерката Мина, исто така, била глумица.

Починал на 2 јануари 2019 година, на КБЦ „Звездара” во Белград, по долга и тешка болест. Комеморацијата по повод неговата смрт била одржана во Народниот театар во Белград, на 5јануари, а истиот ден бил закопан во Алејата на заслужните граѓани на Новите гробишта во Белград.