Жан Рено (франц.
Juan Moreno y Herrera Jiménez; Казабланка, 30 јули 1948) — француски глумец со шпанско потекло.
Бегајќи од режимот на Франко, родителите на Жан Рено се преселиле во Казабланка, каде што се родил Жан. Од Мароко, тие се преселиле во Франција, каде што тој ја започнал својата глумечка кариера.
Жан Рено го открил Лик Бесон кој му понудил улога во филмот „Големото синило“. Потоа следувале филмовите „Леон професионалецот“ и „Никита“. Рено соработувал со речиси сите великани на францускиот филм, како: Жерар Депардје, Кристијан Клавје, Франсис Вебер, Жан-Мари Поаре и Матје Касовиц. Трипати бил номиниран за наградата „Цезар“ во категоријата за најдобар глумец - двапати за главна машка улога (во „Леон профеционалецот“ и „Посетители“), а еднаш за споредна улога (во „Големото синило“).
Тој е еден од ретките француски глумци кој остварил успешна кариера во Холивуд, глумејќи во повеќе филмски хитови: „Невозможна мисија“ со Том Круз, „Годзила“ со Метју Бродерик, „Ронин“ со Роберт де Ниро, „Пинк Пантер“ со Стив Мартин и „Кодот на Да Винчи“ со Том Хенкс. Тој ја одбил улогата на Морфеус во филмот „Матрица“ за да игра во филмот „Годзила“, кој многу полошо поминал кај публиката. Посебно е популарен во Јапонија.
Оваа биографска статија е никулец. Можете да помогнете со тоа што ќе ја проширите. |
This article uses material from the Wikipedia Македонски article Жан Рено, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.